Aagam Manjusha 15 Uvangsuttam Mool 04 Pannavanaa

Author(s): Anandsagarsuri, Sagaranandsuri
Publisher: Deepratnasagar

Page 106

फुडे १, गो०! सरीरप्यमाणमेते विक्वं भवाइलेणं आयामेणं जह० अंगुलस्स संखेज्जतिभागं उको० संखिजातिं जोअणातिं एगदिसिं विदिसिं वा एवइए खिते अप्फुण्णे एवतिते खेत्ते फुडे से णं भंते! केवतिकालस्स अप्फुण्णे केवतिकालस्स फुडे १, गो०! एगसमइएण वा दु० वा ति० वा विग्गणं एवतिकालस्स अप्फुण्णे एवतिकालस्स फुडे, सेसं तं चैव जाव पंच किरियावि, एवं नेरइएवि णवरं आयामेणं जह० अंगुलस्स असंखेजतिभागं उक्को० संलिजाई जोअणाई एगदिसिं, एवतिते खेते०, केवतिकालस्स०१, तं चैव जहा जीवपदे, एवं जहा नेरइयरस तहा असुरकुमारस्स, नवरं एगदिसिं विदिसिं वा, एवं जाव पणियकुमारस्स, वाउकाइयस्स जहा जीवपदे णवरं एगदिसि, पंचिदियतिरिक्खजोणियस्स निरवसेसं जहा नेरइयरस, मणूसवाणमंतरजोइसियवेमाणियस्स निरवसेसं जहा असुरकुमारस्स, जीवे णं भंते! तेयगसमुग्धाएणं समोहते समोहणित्ता जे पोम्गले निच्छुम्भति तेहिं णं भंते! पोग्गलेहिं केवलिते खेत्ते अप्फुण्णे केवइए खिसे फुडे ?, एवं जहेव वेडशिते समुग्धाते तहेब, नवरं आयामेणं जह० अंगुलस्स असंखेज्जतिभागं सेसं तं चैव एवं जाव वैमाणियस्स, नवरं पंचिंदिय तिरिक्खजोणियस्स एगदिसिं एवतिते खेते अष्फुण्णे एवइखित्तस्स फुडे, जीवे णं भंते! आहारगसमुग्धातेणं समोहते समोहणित्ता जे पोगले निच्छुम्भति तेहिं णं भंते! पोलेहिं केवइए खित्ते अष्फुण्णे केवइए खेले फुडे ?, गो० ! सरीरप्पमाणमेत्ते विक्खंभबाहलेणं आयामेणं जहणेणं अंगुलस्स असंखेज्जतिभागं उको० संखेजाई जोयणाई एगदिसिं, एवतिते खेत्ते०, एगसमतिएण वा दु० ति० विग्गणं एवतिकालस्स अप्फुण्णे एवतिकालस्स फुडे, ते णं भंते! पोग्गला केवतिकालस्स निच्छुम्मति १, गो० जह० अंतो० उको० अंतोमुद्द तस ते णं भंते! पोग्गला निच्छूढा समाणा जातिं तत्थ पाणातिं भूयातिं जीवातिं सत्तातिं अभिहणंति जाव उदवेंति ते णं भंते! जीवे कतिकिरिए ?, गो० सिय तिकि० सिय चड० सिय पंचकिरिए, ते णं भंते! जीवाओ कतिकिरिया १, गो०! एवं चेव, से णं भंते! ते य जीवा अण्णेसिं जीवाणं परंपराघातेणं कतिकिरिया ?, गो०! तिकिरियावि चउकिरियावि पंचकि०, एवं मणूसेवि । ३४६ । अणगारस्त णं भंते! भावियप्पणो केवलिसमुग्धातेणं समोहयस्स जे चरमा निज्जरापोग्गला सुरुमा णं ते पोग्गला पं०१ समणाउसो ! सबलोगंपिय णं ते फुसित्ताणं चिति?, हंता गो० ! अणगारस्स भावियप्पणी केवलिसमुग्धाएणं समोहयस्स जे चरमा निज्जरापोग्गला मुद्दमा णं ते पोग्गला पं० समणाउसो, सङ्घलोगंपिय णं फुसित्ताणं चिति, छउमत्थे णं भंते! मणूसे तेसिं णिज्जरापोग्गलाणं किंचि वण्णेणं वण्णं गंधेणं गंध रसेण वा रसं फासेण वा फासं जाणति पासति ?, गो० ! णो इणडे समट्टे, से केणणं भंते! एवं बुवति छउमत्थे णं मणूसे तेसिं णिज्जरापोग्गलाणं णो किंचि वण्णेणं० गंघेणं रसेणं० फासेणं० णो जाणति पासति १, गो० अयण्णं जंबुद्दीवे दीवे सङ्घहीवसमुद्दाणं सङ्घभंतराए सखुड्डाए बट्टे तेलाप्यसंठाणसंठिते वट्टे रहचकवालसंठाणसंठिए बट्टे पुक्खरकण्णियासंठाणसंठिए बट्टे पडिपुण्णचंदसंठाणसंठिए एवं जोअणसयसहस्सं आयामविक्खंभेणं तिष्णि जोयणसयसहस्साई सोलस सहस्साई दोण्णि सत्तावीसे जोयणसते तिष्णि य कोसे अट्ठावीसं च धणुसतं तेरस य अंगुलाई अदंगुलं च किंचिविसेसाहिते परिक्खेवेणं पं० देवे णं महिढीते जाब महासो (हस पा० ) क्ले एवं महं सविलेवणं गंधसमुग्गतं गहाय तं अवदालेति सा इणामेवत्तिकट्टु केवलकप्पं जंबुद्दीवं दीवं तिहिं अच्छराणिवातेहिं तिसत्तमुत्तो अणुपरिय द्वित्ताणं हवमागच्छेजा से नूणं गो० ! से केवलकप्पे जंबुद्दीवे दीवे तेहिं घाणपोम्गलेहिं फुडे ?, हंता फुडे, छउमत्थे णं गो०! मणूसे तेसिं घाणपुम्गलाणं किंचि वण्णेणं वण्णं गंधेणं गंध रसेणं रसं फासेणं फार्स जाणति पासति ?, गो०! नो इणट्टे समहे, से एएणद्वेणं गो०! एवं दुबइ छउमत्ये णं मणूसे तेसिं निज्जरापोग्गलाणं नो किंचि वण्णं वण्णं गंधेणं गंध रसेणं रसं फासे फार्स जाणति पासति सुडुमा णं ते पोग्गला पं० समणाउसो, सङ्घलोगंपिय णं फुसित्ताणं चिट्ठति । ३४७। कम्हा णं भंते! केवली समुग्धायं गच्छति ?, गो०! केवलिस्स चत्तारि कम्मंसा अक्लीणा अवेदिया अणिजिण्णा भवति, तं० वेदणिजे आउए नामे गोए, सङ्घबहुप्पएसे से वेदणिजे कम्मे हवति सङ्घत्थोवे आउए कम्मे हवद, विसमं समं करेति बंधणेहिं ठितीहि य, विसमसमीकरणयाए बंधणेहिं ठितीहि य स खलु केवली समोहणंति, एवं खलु केवली समुग्धायं गच्छति, सज्ञेवि णं भंते! केवली समोहनंति ?, सचेवि णं भंते! केवली समुग्धातं गच्छति ?, गो० ! णो इणट्टे समट्टे, 'जस्साउएण तुलातिं, बंधणेहिं ठितीहि य। भवोवाहकम्माई, समुग्धातं से ण गच्छति ॥ २२९ ॥ अगंतूणं समुग्धातं, अनंता केवली जिणा । जरमरणविप्पमुका, सिद्धिं वरगतिं गता ॥ २३० ॥ ३४८ । कतिसमतिए णं भंते! आउजी (आवजिय, आउजिया, आउस्सिया पा०) करणे पं० १, गो० ! असंखेज्जसमतिए अंतोमुहुत्तिए आउजीकरणे पं० । ३४९ । कतिसमतिए णं भंते! केवलिसमुग्धाए पं०१, गो०! अट्ठसमतिते पं० सं० पढमे समए दंडं करेति बीए कवाडं करेति ततिए मंच करेति चडत्ये लोगं पूरेति पंचमे लोयं पडिसाहति छ मंयं पडि० सत्तमए समए कवार्ड पडि० अट्टमे समए दंडं पडिसाहरति त्ता तओ पच्छा सरीरत्थे भवति, से णं भंते! तहा समुग्धायगते किं मणजोगं जुजति बजोगं जुंजति कायजोगं जुंजति १, गो० नो मणजोगं नो वइजोगं कायजोगं जुंजइ, कायजोगं णं भंते! जुंजमाणे किं ओरालियकायजोगं जुंजति ओरालिय ७७७ प्रज्ञापना, पाहुड-१
मुनि दीपरत्नसागर