Book Title: Vicharratnakar
Author(s): Kirtivijay, Chandanbalashree
Publisher: Bhadrankar Prakashan
View full book text
________________
[श्रीविचाररत्नाकरः ___अथ केचित् पाक्षिकोपवासादिकं पूर्णिमायां कुर्वते तच्च सिद्धान्तविरुद्धं यथा
पाक्षिकचातुर्मासिकसांवत्सरिकाणि पक्षाद्यन्ते च स्युः । आह-पाक्षिकं चतुर्दश्यां पञ्चदश्यां वा चतुर्दश्यामिति ब्रूमः । यदि पुनः पञ्चदश्यां स्यात्तदा चतुर्दश्यां पाक्षिके चोपवासस्योक्तत्वात् पाक्षिकमपि षष्ठेन स्यात् । तथा च "अट्ठमछट्टचउत्थं, संवत्सरचाउमासपक्खेसु" [ ] इत्याद्यागमविरोधः । यत्र चतुर्दर्शी गृहीता न तत्र पाक्षिकं यत्र पाक्षिकं न तत्र चतुर्दर्शी। तथा हि-"अट्ठमी चउद्दसीसु उववासकरणं" [ ] इति पाक्षिकचूर्णौ ।
"सो अ अट्ठमीचउद्दसीसु उववासं करे" [ ] इत्यावश्यकचूर्णौ । "चउत्थछट्ठमकरणं अट्ठमीपक्खचउमासवरिसे य" त्ति व्यवहारभाष्यपीठे[ १३३ गा.]। "अट्ठमी चउद्दसी नाणपंचमीचाउमास" इत्यादि महानिशीथे।
व्यवहारषष्ठोद्देशके च–“पक्खस्स अट्ठमी खलु, मासस्स य पक्खियं मुणेयव्वं । [व्य.भा. २६९८ पू.] इत्यादि व्याख्यायां वृत्तौ चूर्णौ पाक्षिकशब्देन चतुर्दश्येव व्याख्याता । तदेवं निश्चिनुमः पाक्षिकं चतुर्दश्यामेव । चातुर्मासिकसांवत्सिरके तु पूर्वं पूर्णिमापञ्चम्योः क्रियमाणे अपि श्रीकालिकाचार्याचरणतः चतुर्दशीचतुर्थ्योः क्रियेते । प्रामाणिकं चैतत् , सर्वसम्मतत्वात् । उक्तं च कल्पभाष्यादौ
"असढेण समाइन्नं, जं कत्थइ केणई असावज्जं ।
न निवारिअमन्नेहिं, बहुमणुमयमेयमायरियं" ॥१॥ [क.भा./४४९९] तीर्थोद्गारादावपि
"सालाहणेण रन्ना, संघाएसेण कारिओ भयवं? । पञ्जोसवणचउत्थी, चाउम्मासं च चोद्दसिए ॥१॥ [तित्थोग्गालियम्] चउमासपडिक्कमणं, पक्खिअदिवसंमि चउविहो संघो ।
नवसयतेणउएहि, आयरणं तं पमाणं ति" ॥२॥ [ तित्थोग्गालियम् ] अत्र चाधिकविशेषार्थिना पूज्यश्रीकुलमण्डनसूरिप्रणीतविचारामृतसङ्ग्रहोऽवगाहनीयः । इति श्राद्धविधौ पर्वकृत्याधिकारे ७६ पत्रे ॥५५॥
एतेनैव च ये पञ्चम्यां पर्युषणां कुर्वन्ति तेऽपि परास्ता द्रष्टव्याः ।
"नक्षत्रेषु समग्रेषु , भ्रष्टतेजस्सु भास्वतः । यावदोदयस्तावत् , प्रातःसन्ध्या प्रजायते ॥१॥ [ विवेकविलासः]
D:\ratan.pm5\5th proof

Page Navigation
1 ... 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452