________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
આ રાગના વિવિધ વિલાસો.... ખરેખર, દુઃખાંતવાળા છે...'
કુસુમાવલી કંઈક સ્વસ્થ બની. તેણે કહ્યું : “પ્રાણનાથ, આપની વાત સાચી છે. તેમાં કોઈ જ શંકા નથી. હવે મને જીવનનો મોહ રહ્યો નથી... અને હવે હું મહેલમાં રહી શકું એમ નથી. આપ મને આજ્ઞા આપો, હું ચારિત્રધર્મ અંગીકાર કરું.'
મહાદેવી, અસાર સંસારમાં સારભૂત હોય તો એકમાત્ર ચારિત્રધર્મ છે. તમે એ ચારિત્રધર્મ દ્રવ્યથી અને ભાવથી સ્વીકારી શકશો. હું પણ ભાવથી ચારિત્રધર્મનો સ્વીકાર કરું છું. તમારો શ્રેયમાર્ગ નિર્વિઘ્ન હો...'
કુસુમાવલીએ વારંવાર મહારાજાની કુશળતા ચાહી. પુનઃ પુનઃ ચરણોમાં પ્રણામ કર્યો... ને ધીરે ધીરે તે ખંડમાંથી બહાર નીકળી ગઈ.
કારાવાસની બહાર સેનાધિપતિ જયપાલ ઊભા જ હતા. કસમાવલીને સુરક્ષિતપણે રાજમહેલમાં લઈ ગયા. કુસુમાવલીએ કહ્યું : “જયપાલ, તમે ક્યારે આ નગર છોડવા ચાહો છો?'
આજે જ મહાદેવી...” “તો હું પણ તમારી સાથે આવીશ... તમે મને ગંધર્વદત્તા” નામનાં વિદ્યાધર સાધ્વીજી પાસે લઈ જ શો? હું ગૃહત્યાગ કરી, તેની પાસે સાધુધર્મ સ્વીકારીને, મારી શેષ જીવનયાત્રા પૂર્ણ કરીશ..”
મદનરેખા કુસુમાવલીના ખોળામાં મસ્તક મૂકી રડી પડી. ‘દેવી... શું થઈ ગયું.. આ બધું? મહેલ સ્મશાનવત્ બની ગયો... સર્વસ્વ લુંટાઈ ગયું...'
મદનરેખા આ સંસાર છે. સંસારમાં આવું બધું બને...” પરંતુ દેવી, જે એ વખતે ગર્ભપાત થઈ ગયો હોત... તો.” ભવિતવ્યતાને કોઈ મિથ્યા કરી શકતું નથી...” કુસુમાવલીએ જયપાલ તરફ જોઈને કહ્યું : “આપણે આજે જ, અત્યારે જ નીકળી... જઈએ... તમે બંને તૈયારી કરીને આવો...'
શાની તૈયારી મહાદેવી? આપણે બે અશ્વો પર ચાલી નીકળીએ... આપ અને મદનરેખા એક અશ્વ ઉપર, અને બીજા અશ્વ ઉપર હું.'
રાજમહેલના પ્રાંગણમાં હજારો સ્ત્રી-પુરુષો ભેગાં થયાં હતાં. સૌ કોઈ રડી પડ્યા હતાં... મહારાણી, મદનરેખાના ખભા પર હાથ મૂકીને મહેલની બહાર આવ્યાં... પ્રજાએ તેમને નમસ્કાર કર્યા. જયપાલે ગંભીર સ્વરે નિવેદન કર્યું :
વહાલા પ્રજાજનો, મહારાણીને વિદાય આપો... તેઓ આત્મકલ્યાણના માર્ગે
શ્રી સમરાદિત્ય મહાકથા
331
For Private And Personal Use Only
