________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
હુ છ0 h
મુનીન્દ્ર શિખીકુમારે પચ્ચકખાણ પાર્યું. તેઓ આહાર કરવા યોગ્ય આસને બેઠા, તેમની બે બાજુ બે સાધુઓ બેઠા. ત્યાં જાતિની આવી. મુનિના પાત્રમાં મોદક મૂકીને જાલિની બોલી :
વત્સ, આજે મારી મહેચ્છા પૂર્ણ થઈ! આજે મને પરમ શાન્તિ થઈ.” શિખીકુમારે શ્રી નવકારમંત્રનું સ્મરણ કરી મોદક ખાઈ લીધો... જાલિની થોડે દૂર જઈને ઊભી રહી. થોડી ક્ષણોમાં જ શિખીકુમારનો જીવ ચૂંથાવા લાગ્યો. શરીરની નસો ખેંચાવા લાગી. તેમણે, તેમના પૂર્વે જ આહાર કરીને ઊભા થયેલા મુનિવર સામે જોયું. તેઓ બધા સ્વસ્થ હતા. મને ક્યારેય પણ નહીં થયેલી વેદના થઈ રહી છે.. શું થયું મને?’ તેમણે સામે ઊભેલી જાલિની સામે જોયું. જાલિની અપલક દૃષ્ટિએ શિખીકુમારને જોઈ રહી હતી. તેમને ખ્યાલ આવી ગયો. છતાં તેઓ બોલ્યા નહીં. પાસે બેઠેલા મુનિઓને કહ્યું : “મને તીવ્ર પીડા થાય છે...'ને તેઓ સાવધાન થઈ ગયા. હું હવે જીવી નહીં શકું. મૃત્યુ મારી સામે છે. ત્યાં એમણે બોલવા પ્રયત્નો કર્યા. પરંતુ બોલી ના શક્યા. બે હાથ જોડવા સાધુઓને અને ત્યાં જ જમીન પર ઢળી પડ્યા... તરત જ બે સાધુઓએ તેમને પકડીને... સંસારક પાથરીને ત્યાં જ સુવાડી દીધા. બે સાધુઓએ જોરજોરથી સર્વ સાધુઓને બોલાવ્યા : “જલદી આવો.. જલદી આવો.. ગુરુદેવને કંઈ થઈ ગયું છે.' સાધુઓ ક્ષણવારમાં દોડી આવ્યા.. “શું થયું? શું થયું?” બધા પૂછવા લાગ્યા. પાસે બેઠેલા સાધુઓએ કહ્યું : “આર્યા જાલિનીએ મોદક આપ્યો. ગુરુદેવે તે ખાધો... અને બે ક્ષણમાં જ તેઓ અસ્વસ્થ બની ગયા... વેદના વધી ગઈ. બોલી પણ ના શક્યા.. જમીન પર ઢળી પડ્યા.'
જાલિની દોડી આવી : “શું થયું વત્સ તને? તું બોલ... કેમ બોલતો નથી? તને પીડા થાય છે? અચાનક તને શું થઈ ગયું?' અને જાલિની પોક મૂકીને રોવા લાગી. “અરેરે.. હું કેવી અભાગી છું?' તે કલ્પાંતનું નાટક કરતી રહી.
સાધુઓનાં મન વ્યાકુળ બની ગયાં. પેલા બે સાધુઓ. કે જે શિખીકુમાર પાસે બેઠેલા હતા, તે બોલી ઊઠ્યા : “જરૂર મોદકમાં આ દુષ્ટ માતાએ જ ઝેર આપેલું છે. જુઓ, મુનિરાજનું શરીર લીલું પડતું જાય છે...' તેઓ ઊભા થઈ ગયા. ને જાલિની પાસે જઈને રોષ અને રુદન સાથે કહેવા લાગ્યા : “રે પાપિણી, તેં ઝેર આપીને મારી નાંખ્યા અમારા ગુરુદેવને, અને તું કલ્પાંત કરે છે? બંધ કર તારું નાટક. કહે, અમારા ગુરુદેવે તારું શું બગાડ્યું હતું? રે વિશ્વાસઘાતિની, તારા પર વિશ્વાસ મૂકીને, અમે તારા હાથે ભોજન ગ્રહણ કર્યું, ને તે આવું ઘોર પાપ કર્યું? શ્રી સમરાદિત્ય મહાકથા
૪૮૯
For Private And Personal Use Only
