Pravachansara Part 01

Author(s): Kamalchand Sogani, Shakuntala Jain
Publisher: Apbhramsa Sahitya Academy

Page 116

32. गेण्हदि णेव ण मुंचदि ण परं परिणमदि केवली भगवं।
पेच्छदि समंतदो सो जाणदि सव्वं णिरवसेसं।।
33. जो हि सुदेण विजाणदि अप्पाणं जाणगं सहावेण।
तं सुयकेवलिमिसिणो भणंति लोयप्पदीवयरा।।
34. सुत्तं जिणोवदिटुं पोग्गलदव्वप्पगेहिं वयणेहिं।
तं जाणणा हि णाणं सुत्तस्स य जाणणा भणिया।।
35. जो जाणदि सो णाणं ण हवदि णाणेण जाणगो आदा।
णाणं परिणमदि सयं अट्ठा णाणट्ठिया सव्वे।।
36. तम्हा णाणं जीवो णेयं दव्वं तिहा समक्खादं।
दव्वं ति पुणो आदा परं च परिणामसंबद्ध।।
37. तक्कालिगेव सव्वे सदसब्भूदा हि पज्जाया तासिं।
वटुंते . ते णाणे . विसेसदो दव्वजादीणं।।
38. जेणेव हि संजाया जे खलु णट्ठा भवीय पज्जाया। ___ ते होंति असन्भूदा पज्जाया णाणपच्चक्खा।।
39. जदि पच्चक्खमजायं पज्जायं पलइयं च णाणस्स।
ण हवदि वा तं णाणं दिव्वं ति हि के परूवेंति॥
प्रवचनसार (खण्ड-1) .
.
(109)