Book Title: Paia Pacchuso
Author(s): Vimalmuni
Publisher: Jain Vishva Bharati
View full book text
________________
१०५
पाइयपच्चूसो
अप्पा सया होइ य भारमुक्को, सया सरीरस्स हुवेइ भारो । देहं चइत्ता स जया गमेइ, तया वि गत्तस्स हुवेइ भारे ॥९१ ॥ णो अंतरं किं वि अओ पएसी !, मण्णेज्ज सच्चं कहणं य मज्झं । अप्पा सरीराउ य अत्थि भिन्नो, तणू य अप्पा अण अत्थि एगो ॥९२ ॥
(जुग्ग) सोऊण केसिस्स इमं य वाणिं, कहेइ राया अवरं य वत्तं । . हं एगया रायसहाअ आसि, तयाणि एगं गहिऊण दस्सुं ॥९३ ॥ मज्झं समीवे पुररक्खगो य, समागओ सो ममए य दिट्ठो । दिट्ठीअ सण्हाअ परं ण जीवो, मए तया तम्मि णिहालिओ य ॥९४ ॥
(जुग्ग) खंडा तया तस्स कया अणेगे, परंण जीवो ममए पलद्धो । जाओ विआरो सुदिढो तया मे, तणूअ अप्पा अण अत्थि भिन्नो ॥९५ ।। सोऊण भूवस्स इमं य वाणिं, कहेइ केसी तुममत्थि मूढो । मूढं य सदं सुणिऊण राया, गओ बहुं अच्छरिअं मणम्मि ॥९६ ॥ पुच्छेइ केसी अहयं य मूढो, कहं इयाणिं इर विज्जए य । सोऊण भूवस्स इमं य पण्हं, कहेइ केसी वयणं इमं य ॥९७ ॥ णेऊण अग्गि हविभायणम्मि, गया वणेसं इर एगया य ।। कट्ठाणि छेत्तुं चउरो मणुस्सा, गये. दविढे पिसुणेति एगं ॥९८ ॥ कट्ठाणि णेऊण वणम्मि दूरं, वयं य वच्चामु य संपयं य । ठाऊण तं अत्थ कणेज्ज अम्हं, कये इयाणिं असणं य सज्जं ॥९९ ।। विज्झेज्ज अग्गी य जया य भाय !, तयाणि अग्गि अरणीअ कट्ठा । णिस्सारिऊणं य तमं कणेज्जा, कयम्मि अम्हं असणं य दुत्ति ॥१०० ॥ वोत्तूण णं ते पगया दविटुं, वणम्मि कटुं इर णेउकामा । पाचेउकामो असणं य पच्छा, तयाणि उग्गेइ२० किसाणुपत्त२१ ॥१०१ ॥ दतॄण तत्थ विज्झवि य अग्गि, उवागओ सो अरणीअ कट्ठा । देक्खेइ सम्मं परिओ य तं य, परं तहिं पासइ णो य अग्गि ॥१२॥ कुव्वेइ कट्ठस्स अणेगखंडा, परं ण पेच्छेइ तयाणि वहि । चिंताउरो सो पगयो तयाणिं, पहू ण काउं असणं अओ य ॥१०३ ॥ (१९) सूक्ष्मया । (२०) उद्घाटयति (उद्घटेरुग्ग: ८।४ ॥३३)। (२१) अग्निपात्रम् ।
Page Navigation
1 ... 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172