Nemirangratnakar Chand

Author(s): Shivlal Jesalpura
Publisher: L D Indology Ahmedabad

Page 61

48 नेमिकुंवर अने गोपीओना वसंतविहारना वर्णन परथी लागे छे के ए समयमां वावना पाणीने कस्तूरी, कपूर, केसर, चंदन अने पुष्पोथी सुवासित करवामां आवतुं अने युवान स्त्रीपुरुषो तेमां स्नान करतां. कृष्णनी आयुधशाळामां नेमिकुमारे दावेल पराक्रमथी पृथ्वी पर मचेला खळभळाटनुं काव्यमा वर्णन करवामां आव्युं छे. ते परथी लागे छे के ए वखते वस्तुओ साचववा माटे घरमां उतरेड अने सीकां प्रचलित हता. कळी गाय अने भेसने दोरडा वडे खीले बांधवामां आवती अने गोळीमां दहीं वलोववामां आवतुं. गोपीओ नेमिकुमारने लग्न करवा वीनवे छे, तेनी सामे दलील करतां नेमिकुमार लग्न कर्या पछीनी मुसीबतो वर्णवे छे. तेमांथी तत्कालीन गृहजीवन- समृद्ध चित्र प्राप्त थाय छे. ते मुजब लागे छे के संयुक्त कुटुम्बमां जेठाणी देराणीने दुःख आपती. देरागीए जेठाणीने पगे पडवू पडतुं. खराब स्वभावनी स्त्रीओ कीमती वस्त्रो ने आभूषणो मागीने पतिने पजवती. घी, तेल, बळतण, मीठं, मरचुं, पान, कंकु वगेरे चीजो बजारमांथी पतिए खरीदी लाववी पडती ने तेमां मोडं थतां आवी स्त्री रिसाई जती, के रोककळ करती ने सारो संगाथ मळतां पियर पण जती रहेती. घर छोडीने जती रहेती स्त्रीनी घेर घेर वात थती ने पियरमां तेनी सखीओ तेने ठपको आपती. पति पण पछीथी कायर थईने तेने तेडावी लेतो ने कह्यागरो बनी जतो. पुरुष कायरपणुं बतावतो तेम तेम स्त्री तेने वधारे दबावती. माथाभारे स्त्रीओ पतिने मारती. आवी पत्नीथी पति डरतो. ते समयनी लग्नविधिनी माहिती पण नेमिकुमारना लग्नप्रसंगमांथी मळे छे. ए उपरथी जणाय छे के ए काळे मागुं लईने कन्याने त्यां कोई वडील सगास्नेहीने मोकलवानो रिवाज हतो. लानसम्बन्ध ज्ञातिमां ज पसन्द करवामां आवतो. लग्नसम्बन्ध बांधती वखते सगांसम्बन्धीओ अने स्त्रीओ एकठां थतां. स्त्रीओ गीत गाती. फूल अने पानसोपारीथी ए बधांनुं सन्मान करवामां आवतुं. लग्ननुं मुहूर्त ज्योतिषी पासे कढाववामां आवतुं. पछी लग्ननी तैयारीओ थती. पकवान अने वडी बनाववामां आवतां. लग्नमंडप बांधवामां आवतो. तेमां चाकळा अने चंदरवा बंधाता. चोकमां चोरीनी विधि थती. मांडी, मुरकी, हेसमी, गलपापडी, लाडु, खाजां, दाळ, भात, कूर ( दहीमिश्रित भात), दही, अथाणां ए जमवानी वानगीओ हती. जम्या पछी महेमानोने पान, सोपारी ने लविंग आपवामां आवतां.