Nandisuttam

Author(s): Unknown
Publisher: Unknown

Page 13

२८]
नंदिसुत्ते हायमाणयाइओहिणाणं २५. से किं तं हायमाणयं ओहिणाणं ? हायमाणयं ओहिणाणं अप्पसत्थेहिं अज्झवसायट्ठाणेहिं वट्टमाणस्स वट्टमाणचरित्तस्स संकिलिस्समाणस्स संकिलिस्समाणचरित्तस्स सव्वओ समंता ओही परिहायति । से तं हायमाणयं ओहिणाणं ४ ।
२६. से किं तं पडिवाति ओहिणाणं ? पडिवाति ओहिणाणं जण्णं जहण्णेणं ५ अंगुलस्स असंखेजइभागं वा संखेजइभागं वा वालग्गं वा वालग्गपुहत्तं वा लिक्खं वा लिक्खपुहत्तं वा जूयं वा जूयपुहत्तं वा जवं वा जवपुहत्तं वा अंगुलं वा अंगुलपुहत्तं वा पायं वा पायपुहत्तं वा वियत्थिं वा वियत्थिपुहत्तं वा रयणिं वा रयणिपुहत्तं वा कुच्छि वा कुच्छिपुहत्तं वा घेणुयं वा धणुयपुहत्तं वा गाउयं वा गाउयपुहत्तं वा जोयणं वा जोयणपुहत्तं वा जोयणसयं वा जोयणसयपुहत्तं वा जोयणसहस्सं वा १० जोयणसहस्सपुहत्तं वा जोर्यणसतसहस्सं वा जोयणसतसहस्सपुहत्तं वा जोयणकोडिं वा जोयणकोडिपुहत्तं वा < जोयणकोडाकोडिं वा जोयणकोडाकोडिपुहत्तं वा > उक्कोसेण लोगं वा पासित्ता णं पडिवएज्जा। से तं पडिवाति ओहिणाणं ५।
२७. से किं तं अपडिवाति ओहिणाणं ? अपडिवाति ओहिणाणं जेणं अलोगस्स एगमवि आगासंपदेसं पासेज्जा तेण परं अपडिवाति ओहिणाणं। से तं १५ अपडिवाति ओहिणाणं ६।
२८. तं समासओ चउविहं पण्णत्तं, तं जहा–दव्वओ खेत्तओ कालओ भावओ। तत्थ दव्वओ णं ओहिणाणी जहण्णणं अणंताणि रूविदव्वाइं जाणइ पासइ, उक्कोसेणं सव्वाइं रूविदव्वाइं जाणइ पासइ १ । खेत्तओ णं ओहिणाणी जहण्णेणं अंगुलस्स असंखेज्जइभागं जाणइ पासइ, उक्कोसेणं असंखेजाइं अलोए २० लोयमेत्ताई खंडाइं जाणइ पासइ २। कालओ णं ओहिणाणी जहण्णेणं आवलियाए असंखेजइभागं जाणइ पासइ, उक्कोसेणं असंखेजाओ ओसप्पिणीओ
१. अप्पसत्थेसुं अज्झवसायट्ठाणेसुं सं० ॥ २. ओही हायति खं० सं० जे० मो० ॥ ३-४.ज्जयभा जे० मु०॥ ५. पुहुत्त पुहत्त पहुत्त शब्दाः सर्वास्वपि सूत्रप्रतिषु अनियततया दृश्यन्ते ॥ ६. विहत्थिं वा विहत्थि' मो० मु० ॥ ७. धणुं वा धणुपु जे० मो० मु० ॥ ८. जोयणलक्खं वा जोयणलक्खपुहत्तं जे. मो० मु० ॥ ९. > एतचिह्नमध्यवर्ती पाठः खं० सं० नास्ति । १०. °पदेसं पासति तेण खं० शु० । पदेसं जाणइ पासइ तेण जे० डे० ल० मो० ॥ ११. तत्थ इति खं० सं० ल० शु० नास्ति॥ १२. लोयप्पमाणमेत्ताई खं० सं० विना ॥ १३. उस्सप्पिणीओ ओसप्पिणीमो जे० डे० ल० मो० शु० ॥