Jain Cosmology Sarvagna Kathit Vishva Vyavastha

Author(s): Charitraratnavijay
Publisher: Jingun Aradhak Trust

Page 444

જૈન કોસ્મોલોજી,
પરિશિષ્ટ-૧ दाहिणाओ अभितराओ कण्हराईओ चउरंसाओ । पुव्वावरा छलंसा, तंसा पुण दाहिणुत्तरा बज्झा। अब्भंतर चउरंसा सव्वा वि य कण्हराईओ॥
(श्री भगवती सूत्र/श.६/उ.५/सूत्र-१७/१८) ॥ (कण्हराईणं आयाम-विक्खंभ-परुवणं...) ।
प. कण्हराईओ णं भंते । केवइयं आयामेणं? केवइयं विक्खंभेणं ? केवइयं परिक्खेवेणं पण्णत्ताओ। उ. गोयमा ! संखेज्जाइं जोयणसहस्साइं आयामेणं । असंखेज्जाइं जोयणसहस्साइं विक्खंभेणं । असंखेज्जाई जोयणसहस्साई परिक्खेवेणं पण्णत्ताओ ।।
(श्री भगवती सूत्र/श.६/उ.५/सूत्र-१९) Is (कण्हराईणं पमाण परुवणं...)
प. कण्हराईओ णं भंते ! के महालियाओ पण्णत्ताओ? उ. गोयमा ! अयं णं जंबुद्दीवे दीवे जाव परिक्खेवेणं पण्णत्ते । देवे णं महिड्डीए जाव महाणुभागे इणामेव इणामेव त्ति कट्ठ केवलकप्पं जंबुद्दीवं दीवं तिहि अच्छरानिवाएहिं तिसत्तखुत्तो अणुपरियट्टित्ताणं हव्वमाच्छिज्जा । से णं देवे ताए उक्किट्ठाए तुरियाए जाव-देवगईए वीईवयमाणे वीईवयमाणे एकाहं वा दुयाहं वा तियाहं वा उक्कोसेणं अद्धमासं वीईयएज्ज अत्थेगईयं कण्हराई वीईवएज्जा । अत्थेगइयं कण्हराइ नो वीईवएज्जा । एमहालियाओ णं गोयमा ! कण्हराईओ पण्णत्ताओ ॥
___ (श्री भगवती सूत्र/श.६/उ.५/सूत्र-२०) ॥ (कण्हराईसु गेहाईणं अभाव परुवणा...)
___प. अत्थि णं भंते ! कण्हराईसु गेहाइ इ वा गेहावणा इ वा ? उ. गोयमा ! नो इणढे समढे। प. अत्थि णं भंते ! कण्हराईसु गामाई वा जाव सन्निवेसा इ वा? उ. गोयमा ! नो इणढे समढे।
(श्री भगवती सूत्र/श.६/उ.५/सूत्र-२१-२२) ॥ (कण्हराईसु ओराल देवकारियत्तं बलाहयाईणं अत्थित्तं...)
प. अत्थि णं भंते । कण्हराईसु ओराला बलाहया (१) संसेसंति (२) समुच्छति (३) वासं वासंति ?
उ. गोयमा ! अस्थि ।। प. तं भंते ! किं देवो पकरेइ, असुरो पकरेइ, नागो पकरेइ ? उ. गोयमा ! देवो पकरेइ, नो असुरो नो नागो य ॥ प. अत्थि णं कण्हराईसु बादरे थणियसद्दे बादरे विज्जुए ? उ. हंता गोयमा ! अस्थि ॥ प. तं भंते ! किं देवो पकरेइ, असुरो पकरेइ, नागो पकरेई ? उ. गोयमा ! देवो पकरेइ, नो असुरो नो नागो य... ।।
(श्री भगवती सूत्र/श.६/उ.५/सूत्र-२३-२४) अ (कण्हराईसु बादर आऊकाईयाणं परुवणं...)
प. अत्थि णं भंते ! कण्हराईसु बादरे आऊकाए बादरे अगणिकाए, बादरे वणप्फइकाए ? उ. गोयमा ! नो इणढे समढे, नगत्थ विग्गहगइ समाकाएणं... ॥
(श्री भगवतीसूत्र/श.६/उ.५/सू.२५) IN (कण्हराईसु चंदाईणं अभाव परुवणं...)
प. अत्थि णं भंते । कण्हराईसु चंदिम-सूरिय गहगणणक्खत्त तारारुवा? ... उ. गोयमा ! नो इणढे समढे।
४००