Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી શ્રેયાંસનાથજી
396
પૂર્ણપણે દેખાય છે અને જણાય છે. વળી જે કાંઈ દેખાય, જણાય છે તે કોઈપણ જાતના પ્રયત્ન વગર અપ્રયાસ-સહજ જ જણાય-દેખાય છે. સર્વનું સર્વ કાંઈ સહજપણે દેખાતું અને જણાતું હોવાથી સર્વદર્શી અને સર્વજ્ઞ છે. સર્વ ક્ષેત્રના, સર્વ કાળના, સર્વ દ્રવ્યોના સર્વ ભાવ એટલે કે સર્વ ગુણ અને સર્વ પર્યાય સહિત સહજપણે દેખાય છે, જણાય છે. જે સર્વનું સર્વત્ર સર્વદા સર્વ કાંઈ જાણતા હોય તે તો અંતરજામી, અંતરને જાણનારા અંતર્યામી જ હોય ને!! એનાથી કશું છૂપાવ્યું છૂપું કેમ રહી શકે? એની તો સર્વથા સર્વદા સર્વત્ર શરણાગતિ જ સ્વીકારવાની હોય ને!! જે અંતર્યામી અને આતમરામી એટલે કે આત્મામાં જ- અધિષ્ઠાતામાં જ અધિષ્ઠિત હોય તે તો નામી પ્રતિષ્ઠિત જ હોય ને!!
આવા, જે ભાવથી મુક્ત થઈ ગયા હોય, વીતરાગ થવાથી રાગદ્વેષની ચીકાશ નીકળી ગઈ હોય, તેમના અઘાતી કર્મો પ્રત્યેક પળે, મન વચન કાયાની સહજ થતી; સહજયોગ ક્રિયાથી ખરતાં જ જતાં હોય અને એમની ગતિ દ્રવ્યમુક્તિ-નિર્વાણ તરફની જ હોઈ શકે માટે કહેવાય કે..
“સહજ મુગતિ ગતિ ગામી રે...” આવા જે નિકામી, અંતર્યામી, આતમરામી, મુક્તિગામી છે, તે જ સાચા ધનવંતરી વૈદ્ય છે. એ જ રોગ-દોષને દૂર કરી, આત્માનું આરોગ્ય આપી, આત્માનું શ્રેય કરનારા, શ્રેયસ્કર શ્રેયાંસનાથ ભગવાન છે.
સંયલ સંસારી ઈન્દ્રિયરામી, મુનિ ગણ આતમરામી રે; મુખ્યપણે જે આતમરામી, તે કેવળ નિષ્કામી રે. શ્રી શ્રેયાંસ૮૨
પાઠાંતરે “મુનિ ગણ'ને સ્થાને “મુનિગુણ” અને “નિષ્કામી'ના સ્થાને “નિકામી' એવો પાઠફરક છે.
શબ્દાર્થઃ સંસારના સુખને માનનારા, સંસારી ભાવવાળા સયલ
પરપદાર્થવિષયક ફુરણ એ વિકલ્પ છે અને એમાં તન્મયતા તે વિયાર છે.
