Book Title: Hriday Nayan Nihale Jagdhani Part 02
Author(s): Anandghan, Muktidarshanvijay
Publisher: Matunga Shwetambar Murtipujak Tapagaccha Jain Sangh
View full book text
________________
શ્રી શ્રેયાંસનાથજી
394
યોગીરાજજી આનંદઘનજીએ પ્રથમ ઋષભજિન સ્તવનામાં પ્રીતિયોગથી પ્રારંભ કર્યો. પછીના સ્તવનોમાં અનુક્રમે પ્રભુ પંથ, પ્રભુસેવા, પ્રભુ દરિસનના તલસાટ, પ્રભુ દરિસન માટે પરમાત્મપદની ઓળખ કરી બહિરાભદશા ત્યજીને અંતરાત્મદશાની પ્રાપ્તિ, પરમાત્માથી પડેલું આંતરું, પ્રભુની વિવિધ નામથી ઓળખ પ્રભુના દરિસન મળ્યાં છે તો તે દરિસન કરવા દેવાની સખી ચેતના-સુમતિને વિનતિ, પ્રભુપૂજાનો વિધિ આદિથી ભક્તિયોગમાં પ્રવેશ કરાવ્યો.
બીજાથી નવમા સ્તવનમાં ભક્તિયોગને ઘૂંટ્યા બાદ દેશમાં શીતલનાથ જિનેશ્વરની સ્તવનાથી કવિરાજે જ્ઞાનયોગમાં પ્રવેશ કરાવ્યો છે. પ્રભુના ત્રિભંગાત્મક સ્વાદ્વાદ સ્વરૂપની ઓળખ કરાવ્યા બાદ હવે “અધ્યાત્મ શું? અને આધ્યાત્મિક પુરુષ જે સાચું માર્ગદર્શન આપી શકે, તે કોણ?” તેની વિચારણા આ અગિયારમાં શ્રેયાંસનાથ ભગવાનના સ્તવનમાં કરે છે કે જેથી આધ્યાત્મિક પુરુષની પરખ કરી, તેનું શરણ સ્વીકારી, સાચા માર્ગદર્શકની નિશ્રામાં, સાચા અધ્યાત્મમાર્ગે આગળ પ્રયાણ કરી શકાય.
શ્રી શ્રેયાંસ જિન અંતરજામી, આતમરામી નામી રે . અધ્યાતમપદ પૂરણ પામી, સહજ મુગતિ ગતિ ગામી રે. શ્રી શ્રેયાંસ૮૧
પાઠાંતરે “અંતરજામીના સ્થાને “અંતરયામી’, ‘પદ'ના સ્થાને મત” અને “ગામી'ના સ્થાને “ગીમી” કે “ગામી” એવો પાઠફરક છે.
શબ્દાર્થઃ હે શ્રી શ્રેયાંસનાથ જિનેશ્વર! આપ અમારા અંતરના ભાવોને જાણનારા અંતર્યામી છો, આત્મામાં રમમાણ રહેનાર આતમ મસ્ત આતમરામી છો અને જગતમાં તીર્થંકર જિનેશ્વર દેવ તરીકે પ્રસિદ્ધ એવા નામી છો!
આપ પૂર્ણપણે અધ્યાત્મ મતને પ્રાપ્ત કરીને અધ્યાત્મપદ એવા
પોતે પોતાને જાણીને પોતામાં સમાઈ જાય તે અધ્યાત્મનું પ્રયોજન છે.
