Dasakaliya Suttam

Author(s): Punyavijay
Publisher: Prakrut Granth Parishad

Page 504

भुजो य सादी बहुला मणुस्सा । भुज्जो इति पुणो पुणो साति कुडिलं बहुलमिति पायोवृत्ति, पुणो पुणो कुडिलहियया प्रायेण । भुजो य सातिबहुला मणुस्सा काम भोगनिमित्तं निद्धेसु वि भाति - पिति पुत्तपभितिसु सातिसंपओगपरा अविस्संभिणो य । अविस्सत्थहिययाण य किं सुहमिति धम्म एव रती करणीया ।
लहुसगभोगनिमित्तं परातिसंघणपरा जयो मणुया । विस्संभसुहविमुक्का य तेण धम्मे रतिं कुह ॥ १ ॥ ततियं ठाणं ३ ॥ तहा
"इमे य मे दुक्खे णचिरकालोवद्वाती भविस्सति । गुरवो संदिसंति - वत्स ! एवं चिंतय, इमेय मे इमेइति जं सारी माणसं परीसहोदयेण दुक्खमुप्पण्णं तं पञ्चक्खं काऊण। चसद्देण इमं दुक्खमायतिसुहेण विसेसयति । मे इति अप्पाणं निद्दिसइ । दुक्खं अरतिकारगं, चिरं पभूतो कालो, ण तथा णचिरं, [णचिरं ] कालमुपट्ठाणं जस्स तं चिरकालोवट्ठाणं । तं च कथं ? अब्भासजोगोपचितेण धितिबलेण परीसहाणीयं जिणिऊण विजितसामंतमंडल इव राया सुहं संजमरज्जपभुत्तं करेति । इह पुण परीसह पराजितस्स णरगादिसु दुक्खपरंपरा एव अतो धम्मे रमितव्वं ।
दुक्खं परीसहकतं नवधम्माणं विसेसतो जम्हा । तम्हा दुक्खमणागतमणिच्छमाणा रमह धम्मे ॥ १ ॥ ऐका ॥
किञ्च - ओमजणपुरकारे । ओमो ऊणो, जणो लोगो, ओमो जणो ओमजणो, सक्कार एव पुरक्कारो, ओमजणस्स ओमजणेण वा पुरक्कारो ओमजणपुरक्कारो । धम्मे ठितो पभूण वि पुज्जो, ततो चुओ पुण ओमजणमवि अन्भुट्टाणा - ऽसणपदाण - अंजलिपग्गहादीहिं सेवाविसेसेहिं पुरेकरेति, एतं ओमजणपुरकरणं । अहवा अग्गतो करणं
१ अत्राष्टादशपदचूर्णि सन्दर्भे श्रीमद गस्त्यसिंहपादाः तत्तत्पदसमाप्तिस्थाने प्रचलितान् ४, ५, ६, ७, ८, ९ प्रभृतीनङ्कान् विहाय का, र्ट, फ, ग्रह, उ प्रमुखैरक्षराद्वैस्तत्तत्स्थानसङ्ख्यां निर्देक्ष्यन्तीति नात्रार्थे भ्रान्तिराधेया । अत्र एका अक्षरेण चतुःसङ्ख्या ज्ञेया । एवमग्रेऽपि यथाक्रममक्षराङ्केण पदसङ्ख्या ज्ञेयेति ॥