Bhagwati Sutra Vyakhyan Part 03 04

Author(s): Jawaharlal Aacharya
Publisher: Jawahar Vidyapith

Page 261

पंचम भाग
प्रथम शतक आठवाँ उद्देशक
मूलपाठ रायगिहे समोसरणं; जाव एवं वयासी।
प्रश्न-एगंतबाले णं भंते! मणुस्से किं णेरइयाउयं पकरेइ, तिरिक्खाउयं पकरेइ, मणुस्साउयं पकरेइ, देवाउयं पकरेइ? णेरइयाउयं किच्चा णेरइएसु उववज्जइ, तिरियाउयं किच्चा तिरिएसु उववज्जइ, मणुस्साउयं किच्चा मणुस्सेसु उववज्जइ, देवाउयं किच्चा देवलोगेसु उववज्जइ?
उत्तर-गोयमा! एगंतबाले णं मणुस्से णेरइयाउयंवि पकरेइ, तिरियाउयंवि पकरेइ, मणुस्साउयं वि पकरेइ। णेरइयाउयपि किच्चा णेरइएसु उववज्जइ, तिरियाउयंवि किच्चा तिरिएसु, उववज्जइ मणुस्सयाउयंवि किच्चा मणुएसु उववज्जइ, देवाउयंवि किच्चा देवलोगेसु उववज्जइ।
प्रश्न-एगंत पंडिए णं भंते! मणुस्से किं णेरइयाउयं पकरेइ, जाव-देवाउयं किच्चा देवलोएसु उववज्जइ?
उत्तर-गोयमा! एंगत पंडिए णं मणुस्से आउयं सिय पकरेइ, सिय णो पकरेइ, जइ पकरेइ णो नेरइयाउयं पकरेति, णो तिरियाउयं पकरेति, णो मणुस्साउयं पकरेइ, देवाउयं पकरेइ। णो णेरइयाउयं किच्चा रइएसु उववज्जइ, णो तिरियाउयं किच्चा तिरिएसु उववज्जइ, णो मणुस्साउयं किच्चा मणुस्सेसु उववज्जइ, देवाउयं किच्चा देवेसु उववज्जइ।
प्रश्न-से केणटेणं जाव-देवाउयं किच्चा देवेसु उववज्जइ? २४८ श्री जवाहर किरणावली