Anusandhan 2014 08 SrNo 64

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 185

अनुसन्धान-६४
तथा पूजापमानेषु समचित्ताय वै प्रभो!। . मुक्तौ तथा भवे चापि रत्नत्रययुताय च ॥११॥ नौकातुल्याय वै नृणां भवसागरमज्जताम् । चर्मतीर्थङ्करे पट्टे दीपकाय नमो नमः ॥१२॥ प्रतिरूपादिषट्त्रिंशत् सदाचार्यगुणाश्च ये । तेषां धारणसामर्थ्यसंयुक्ताय च नित्यशः ॥१३॥
अथ नगरवर्णनम् - विपुलकमलाविलासकुलनिवेशे विभवनिवहप्रदानविद्रावितभुवनरौद्रदारिद्यशिष्टजनसंयुते निवासिजनजनितहर्षप्रकर्षे प्रशस्तसमस्तवस्तुविस्तारपरिपूर्णापणे पुरुषोत्तमवक्ष इव सश्रीके सच्चारित्रपात्रमुनिजनचरणविन्यासपवित्रीकृतधरातले मरुदेशविशालभालस्थलबहलतिलकोपमे सुस्थितलोकसुखविलासकेलिमन्दिरे अखिलाश्रीविजयकरिणचतुरे यशःकुसुमसौरभसुरक्षितदिग्वलये श्रीगजसिंहभूपसंशोभिते श्रीमत् अमुकनगरे अमन्दानन्दपूर्णचतुर्वर्णसंघपरिकरितान् सकलभव्योपकाराय सजलजलधरध्वानानुकारिणा स्वरेण परमानन्दसुधारसस्रविणी-निविडतरमोहान्धकारविद्राविणी-निखिलजगज्जन्तुचित्तचमत्कारकारिणी-महामनोहारिणीसद्धर्मदेशनादायकान् गम्भीरापारसंसारसागरमध्यमध्यासीन-कृष्णेतरपाक्षिकप्राणिसंघसमुद्धारकारकान् दुरन्तानन्तचतुर्गतिस्वरूपप्रसारिसंसारप्रशस्तसम्यक्त्ववत्समस्तजगज्जन्तुनिदेशप्रमाणार्हान् कषायोपसर्गपरीषहाद्यन्तरङ्गारिगणमतङ्गजमथनदुर्दान्तपञ्चाननान् दुरुत्तारसंसारकान्तारसञ्चारजनितापत्तापनिवारणैकछत्रान् निबिडजडिमसम्भारतिमिरतिरस्कारकरणतरणीन् दुःषमान्धकारनिमग्नजिनप्रवचनप्रकाशनगृहमणीन् परमानन्दरूपानन्तसुखदनिःश्रेयसतरुबीजभूतसम्यक्त्वरत्नदातॄन् सकलप्रसिद्धसिद्धान्तसंदोहपठनपाठनावाप्तसुधांशुधामधवलयशःप्रसरधवलितसकलवसुन्धरावलयान् कणादाक्षपादप्रभृतिप्रवादिसर्पदर्पसौपर्णेयान् भुवनभयप्रथितविपुलचन्द्रकुलविमलनभःस्थलमृगाङ्कान् जङ्गमयुगप्रधानान् सकलगणपतिभट्टारकपुरन्दरान् श्री१०८ श्रीजिनचन्द्रसूरिसूरीश्वरान् नानातर्कवितर्कसम्पर्ककर्कशमुच्छलद्वाक्छटोट्टङ्कितबौद्धसांख्यमीमांसकाक्षपादप्रभृतिगजघटादुर्द्धर्षकण्ठीरवकल्पसकलपाठकवाचकमुनिजनसंसेवितचरणेन्दीवरान् श्रीमत् अमुकनगरतः सदाज्ञाधारकश्चरणशरणाभिलाषुकः समस्तखरतरभट्टारकश्रीसङ्घः सादरं