Agam 30 Mool 03 Uttaradhyayana Sutra Uttarajjhayanani Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 111

१६४
उत्तरज्झयणाणि भत्तपच्चक्खाणे ४० सब्भावपच्चक्खाणे ४१ पडिरूवया ४२ वेयावच्चे ४३ सव्वगुणसंपण्णया' ४४ वीयरागया ४५ खती ४६ मुत्ती ४७ अज्जवे' ४८ मद्दवे ४६ भावसच्चे ५० करणसच्चे ५१ जोगसच्चे ५२ मणगुत्तया ५३ वइगुत्तया ५४ कायगुत्तया ५५ मणसमाधारणया ५६ वइसमाधारणया ५७ कायसमाधारणया ५८ नाणसंपन्नया ५६ दंसणसंपन्नया ६० चरित्तसंपन्नया ६१ सोइंदियनिम्गहे ६२ चक्खिदियनिग्गहे ६३ घाणि दियनिग्गहे ६४ जिभिदिय निग्गहे ६५ फासिदियनिग्गहे ६६ कोहविजए ६७ माणविजए ६८ मायाविजए ६६ लोहविजए ७० पेज्जदोसमिच्छादसण विजए ७१ सेलेसी ७२ अकम्मया ७३ ।।
२. संवेगेणं भंते ! जीवे कि जणयइ ? संवेगेणं अणत्तरं धम्मसद्धं जणयइ । अणुत्तराए
धम्मसद्धाए संवेगं हव्वमागच्छइ, अणंताणुबंधिकोहमाणमायालोभे खवेइ, कम्म न बंधइ, तप्पच्चइयं च णं मिच्छत्तविसोहि काऊण दसणाराहए भवइ। दसणविसोहीए य णं विसुद्धाए अत्थेगइए तेणेव भवग्गहणेणं सिज्झइ । सोहीए य णं विसुद्धाए तच्चं पुणो भवग्गहण नाइक्कमइ॥ ३. निव्वेएणं भंते ! जीवे कि जणयइ ? निव्वेएणं दिवमाणसतेरिच्छिएसु कामभोगेस निव्वेयं हव्वमागच्छइ, सव्व विसएसु विरज्जइ । सव्वविसएसु विरज्जमाणे आरंभपरिच्चायं करेइ। आरंभपरिच्चायं करेमाणे संसारमग्गं वोच्छिदइ, सिद्धिमग्गे
पडिवन्ने य भवइ ॥ ४. धम्मसद्धाए णं भंते ! जीवे कि जणयइ ? धम्मसद्धाए णं सायासोक्खेसु रज्जमाणे विरज्जइ, आगारधम्म च णं चयइ अणगारे णं जोवे सारीरमाणसाणं दुक्खाणं
छेयणभेयणसंजोगाईणं वोच्छेयं करेइ अव्वाबाहं च सुहं निव्वत्तेइ । ५. गुरुसाहम्मियसुस्सूसणयाए णं भंते ! जीवे कि जणयइ ? गुरुसाहम्मियसुस्सूसणयाए णं विणयपडिवत्ति जणयइ। 'विणयपडिवन्ने य णं जीवे अणच्चासायणसीले नेरइयतिरिक्खजोणियमणुस्सदेवदोग्गईओ निरु भइ, वण्णसंजलणभत्तिबहुमाणयाए मणुस्सदेवसोग्गईओ निबंधइ, सिद्धि सोग्गई'च विसोहेइ । पसत्थाई च णं विणयमूलाई सव्व
कज्जाइं साहेइ । अन्ने य बहवे जीवे विणइत्ता भवइ ॥ ६. आलोयणाए णं भंते ! जीवे कि जणयइ ? आलोयणाए णं मायानियाणमिच्छादसण
सल्लाणं मोक्खमग्गविग्घाणं अणंतसंसारवद्धणाणं"उद्धरणं करेइ, उज्जभावं च
१. पडिरूवणया (ऋ)। २. संपुण्णया (अ, आ, इ, बृ)। ३. मद्दवे (अ, सु, बृ)। ४. अज्जवे (अ, सु, ब)। ५. नवं च कम्मं (अ, आ, इ)।
६. आरंभपरिग्गह (अ)। ७. निम्बिते (ऋ)। ८. पडिवन्नएणं (ऋ) १०. "बद्धमाणाणं (अ) । ११. (उ, ऋ, स)।