________________
एगतीसइमं अज्झयणं
चरणविही
१. चरणविहिं पवक्खामि जीवस्स उ सुहावहं ।
जं चरित्ता बहू जीवा तिण्णा संसारसागरं ।। २. एगओ विरई कुज्जा एगओ य पवत्तणं ।
असंजमे नियत्ति च संजमे य पवत्तणं ।। ३. रागद्दोसे य दो पावे पायकम्मपवत्तणे ।
जे भिक्खू रु भई निच्चं से न अच्छई मंडले ।। ४. दंडाणं गारवाणं च सल्लाणं च तियं तियं ।
जे भिक्खू चयई निच्चं से न अच्छइ' मंडले ।। ५. दिव्वे य जे' उवसग्गे तहा तेरिच्छमाणुसे ।
जे भिक्खू सहई निच्चं से न अच्छइ मंडले ।। ६. विगहाकसायसण्णाणं झाणाणं च दुयं तहा ।
जे भिक्खू वज्जई निच्चं से न अच्छइ मंडले ।। ७. वएसु इंदियत्येसु 'समिईसु किरियासु य ।
जे भिक्खू जयई निच्चं से न अच्छइ मंडले ।। ८. लेसासु छसु काएसु छक्के आहारकारणे ।
जे भिक्खू जयई निच्चं से न अच्छइ मंडले ।। ६. पिंडोग्गहपडिमासु भयट्ठाणेसु सत्तसु । __ जे भिक्खू जयई निच्च से न अच्छइ मंडले ।। १०. मएसु बंभगुत्तीसु भिक्षुधम्ममि दसविहे ।
जे भिक्खू जयई निच्चं से न अच्छइ मंडले ।। ११. उवासगाणं पडिमासु भिक्खूणं पडिमासु य ।
जे भिक्खू जयई निच्चं से न अच्छइ मंडले ।। १,२. गच्छइ (अ, बृपा) ।
४,५. गच्छइ (अ, बृपा)। ३. x (उ, ऋ)।
६. समितीसु य तहेव य (बृपा)।
२०६
Jain Education International
For Private & Personal Use Only
www.jainelibrary.org
