Agam 30 Mool 03 Uttaradhyayana Sutra Uttarajjhayanani Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 141

पणतीसइमं अज्झयणं अणगारमग्गगई
१. सुह मेगग्गमणा' मग्गं बुद्धेहि देसियं । __जमायरंतो भिक्खू दुक्खाणंतकरो भवे ॥ २. गिहवासं परिच्चज्ज 'पवज्ज अस्सिओ' मुणी ।
इमे संगे वियाणिज्जा' जेहिं सज्जति माणवा ।। ३. तहेव हिंसं अलियं चोज्जं अबंभसेवणं ।
इच्छाकामं च लोभं च संजओ परिवज्जए॥ ४. मणोहरं चित्तहरं मल्लधूवेण वासियं । ___ सकवाडं पंडुरुल्लोयं मणसा वि न पत्थए । ५. इंदियाणि उ भिक्खस्स तारिसम्मि उवस्सए ।
दुक्कराई निवारे कामरागविवड्ढणे ॥ ६. सुसाणे सुन्नगारे वा रुक्खमूले व एक्कओ ।
पइरिक्के' परकडे वा वासं तत्थभिरोयए । ७. फासुयम्मि अणाबाहे इत्थीहि अणभिदुए ॥
तत्थ संकप्पए वासं भिक्खू परमसंजए॥ ८. न सयं गिहाई कुज्जा व अन्नेहिं कारए ।
गिहकम्मसमारंभे भूयाणं दोसई वहो ॥ ६. तसाणं थावराणं च सुहमाणं बायराण य ।
तम्हा गिहसमारंभं संजओ परिवज्जए ।
१. मे एगग्गमणा (उ, ऋ)। २. पदज्जामस्सिए (उ, ऋ)। ३. बियाणेत्ता (अ)। ४. उ घारेउं (बू); निवारेउं (बपा) ।
५. एगो (उ, ऋ); एक्या (); एक्कतो
(बृपा)। ६. परक्के (ब); पइरिक्के (बृपा)।
२२४