Agam 30 Mool 03 Uttaradhyayana Sutra Uttarajjhayanani Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 118

एगुणतीसइमं अज्झयणं ( सम्मत्तपरक्कमे )
२०१
६८. कोहविजएणं भंते ! जीवे किं जणयइ ? कोहविजएणं खतिं जणयइ, कोहवेय णिज्जं कम्मं न बंघइ, पुव्वबद्धं च निज्जरेइ ॥
६९. माणविजएणं भंते ! जीवे किं जणयइ ? माणविजएणं मद्दवं जणयइ, माणवेय णिज्जं कम्मं न बंधइ, पुव्वबद्धं च निज्जरेइ ।।
७०. मायाविजएणं भंते ! जोवे किं जणयइ ? मायाविजएणं उज्जुभावं जणयइ, मायावेयfणज्जं कम्मं न बंधइ, पुव्वबद्धं च निज्जरेइ ||
७१. लोभविजएणं भंते ! जोवे किं जणयइ ? लोभविजएणं संतोसीभावं जणयइ, लोभवेणिज्जं कम्मं न बंधइ, पुव्वबद्धं च निज्जरेइ ||
७२. पेज्जदोस मिच्छादंसणविजएणं भंते ! जीवे किं जणयइ ? पेज्जदोस मिच्छादंसणविजएणं नाणदंसणचरिताराहणयाए अब्भुट्ठेइ । 'अविहस्स कम्मस्स कम्मगंटिविमोयणयाए" तप्पढमयाए जहाणपुव्वि अट्ठवीसइविहं मोहणिज्जं कम्मं उग्धाएइ, पंचविहं नाणावर णिज्जं नवविहं दंसणावरणिज्जं पंचविह अंतराय एए तिन्निवि कम्मंसे जुगवं खवेइ । तओ पच्छा अणुत्तरं अनंतं कसिणं पडिपुण्णं निरावरणं वितिमिरं विसुद्ध लोगालोगप्पभावगं' केवलवरनाणदंसणं समुप्पाडेइ | जाव सजोगी भवइ ताव य इरियावहियं क्रम्मं बंधइ सुहफरिसं दुसमयठिइयं । तं पढमसमए बद्धं बिइयसमए बेइयं तइयसमए निज्जिण्णं तं बद्धं पुढं उदोरियं वेइयं निज्जिण्णं सेयाले य अक्रम्मं चावि भवइ ||
७३. अहाउयं पालइत्ता अंतोमुहुत्तद्भावसेसाउएं जोगनिरोह करेमाणे सुहुमकिरिय अपडिवाइ सुक्कभाणं कायमाणे तप्पढमयाए 'मणजोगं निरु भइ, निरु भित्ता asजोगं निरु भइ, निरु भित्ता आणापाणनिरोह" करेइ, करेत्ता ईसि पंच रहस्सक्खरुच्चारद्वाए य णं अणगारे समुच्छिन्नकिरियं अनियट्टिसुक्कज्भाणं क्रियायमाणे वेणिज्जं आउयं नामं गोत्तं च एए चत्तारि वि कम्मंसे जुगवं खवेइ ॥
७४. तओ ओरालि कम्माई च सव्वाहिं विप्पजहणाहिं विप्पजहित्ता उज्जुसेढिपत्ते अफुसमाणगई उड्ढं एगसमएणं अविग्गणं तत्थ गंता सागारोवउत्ते सिज्झइ
१. अदुहिकम्मविमोयणाए (बुपा ) ।
२. दंसणावरणं (उ, ऋ) 1
३. लोगालोगस्सभावं (बृपा ) |
४. निविष्णं ( अ ) 1
५. अंतोमुहुत्तावसेसाउए (उ, ऋ, बृपा); अंतो
मुहुत्त अद्भावसेसाए (बुपा) ।
६. मणजोगं निरुम्भइ वइजोगं निरुम्भइ आणापाणुनि रोहं (बृ); मणजोगं निरुम्भइ, वइजोगं निरुम्भइ, कायजोगं निरुम्भइ आणापाण निरोहं (आ, इ) |
७. X (उ, ऋ) ।
८. X (उ, ऋ) ।