Agam 06 Gyatadharmkatha Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 73

આગમસૂત્ર 6, અંગસૂત્ર 6 જ્ઞાતાધર્મકથાંગસૂત્ર અરહંતને વાંદી, નમીને જે દિશામાંથી આવ્યા હતા, તે દિશામાં પાછા ગયા. ત્યારપછી અરહંત મલ્લી, તે લોકાંતિક દેવોથી સંબોધિત થઈને માતા-પિતાની પાસે આવ્યા. આવીને બે હાથ જોડી બોલ્યા - હે માતા-પિતા ! હું આપની અનુજ્ઞા પામીને મુંડ થઈને યાવત્ પ્રવ્રજિત થવા ઇચ્છું છું. હે દેવાનુપ્રિયો! સુખ ઉપજે તેમ કરો, પ્રતિબંધ ન કરો. ત્યારે કુંભરાજાએ કૌટુંબિક પુરુષોને બોલાવ્યા અને બોલાવીને આ પ્રમાણે કહ્યું જલદીથી 1008 સુવર્ણકળશ યાવત્ માટીના કળશ, બીજા પણ મહાર્થ યાવત્ તીર્થંકરાભિષેકને યોગ્ય સામગ્રી ઉપસ્થિત કરો. યાવત્ કૌટુંબિક પુરુષોએ સામગ્રી. ઉપસ્થિત કરી. તે કાળે, તે સમયે અસુરેન્દ્ર ચમર યાવત્ અશ્રુતકલ્પ સુધીના બધા ઇન્દ્રો આવ્યા. પછી શક્રેન્દ્રએ આભિયોગિક દેવોને બોલાવીને કહ્યું - જલદીથી 1008 સુવર્ણ કળશો ચાવતુ અભિષેક યોગ્ય બીજી સામગ્રી ઉપસ્થિત કરો યાવત્ ઉપસ્થાપિત કરી, તે દૈવી કળશો, તે માનુષી કળશોમાં સમાઈ ગયા. ત્યારપછી દેવેન્દ્ર દેવરાજ શક્રે, કુંભરાજાએ, અરહંત મલ્લીને સિંહાસનમાં પૂર્વાભિમુખ બેસાડ્યા, પછી સુવર્ણ આદિના 1008 પૂર્વોક્ત કળશોથી યાવત્ અભિષેક કર્યો. ત્યારે, ભગવતી મલીનો અભિષેક ચાલતો હતો ત્યારે કેટલાક દેવોએ મિથિલાની અંદર અને બહાર યાવત્ સર્વે દિશા-વિદિશામાં દોડવા લાગ્યા. ત્યારે કુંભ રાજાએ બીજી વખત ઉત્તરદિશામાં સિંહાસન રખાવ્યું યાવત્ મલ્લીને સર્વાલંકાર વિભૂષિત કર્યા. કરીને કૌટુંબિક પુરુષોને બોલાવીને કહ્યું - જલદીથી ‘મનોરમા' શિબિકા લાવો. - તે કૌટુંબિક પુરુષોને શિબિકા લાવ્યા. ત્યારે શક્રેન્દ્રએ આભિયોગિક દેવને કહ્યું - જલદીથી અનેક સ્તંભવાળી યાવત્ મનોરમા શિબિકા ઉપસ્થિત કરો. યાવતુ તેમણે કરી. તે શિબિકા પણ મનુષ્યની શિબિકામાં સમાઈ ગઈ. ત્યારપછી અરહંત મલ્લી સિંહાસનથી ઊભા થઈને મનોરમા શિબિકા પાસે આવ્યા, આવીને તે શિબિકાને અનુપ્રદક્ષિણા કરીને શિબાકામાં આરૂઢ થયા. થઈને ઉત્તમ સિંહાસને પૂર્વાભિમુખ બેઠા. ત્યારપછી કુંભકે ૧૮-શ્રેણી પ્રશ્રેણિજનોને બોલાવ્યા અને કહ્યું - હે દેવાનુપ્રિયો ! તમે સ્નાન યાવત્ સર્વાલંકાર વિભૂષા કરી મલ્લીની શિબિકાનું વહન કરો યાવત્ વહન કરે છે. ત્યારે તે દેવેન્દ્ર દેવરાજ શક્રએ મનોરમા શિબિકાની જમણી બાજુનાઆગળના દંડને વહન કર્યો, દેવેન્દ્ર દેવરાજ ઇશાને ડાબી બાજુના આગળના દંડને વહન કર્યો, ચમરેન્દ્રએ જમણી બાજુના પાછળના દંડને વહન કર્યો અને બલીન્દ્રએ ડાબી બાજુના પાછળના દંડને વહન કર્યો અને શેષ દેવોએ યથાયોગ્ય મનોરમા શિબિકાનું વહન કર્યું 104. મનુષ્યોએ સર્વપ્રથમ શિબિકા વહન કરી, હર્ષથી તેમના રોમકૂપ વિકસ્વર થયા, પછી અસુરેન્દ્ર, સુરેન્દ્ર અને નાગેન્દ્રોએ તે શિબિકાને વહન કરી. 105. ચલ-ચપલ-કુંડલધારક, સ્વચ્છેદ-વિકુર્વિત-આભરણધારી દેવેન્દ્ર, દાનવેન્દ્રોએ જિનેન્દ્રની શિબિકા વહન કરી. 106. ત્યારપછી અરહંત મલ્લી, મનોરમા શિબિકામાં આરૂઢ થયા ત્યારે આ આઠ-આઠ મંગલ અનુક્રમે આગળ ચાલ્યા. એ પ્રમાણે જમાલિની જેમ નિર્ગમન કહેવું. ત્યારપછી અરહંત મલ્લી, દીક્ષા લેવા નીકળ્યા ત્યારે કેટલાક દેવોએ મિથિલાને પાણીથી સીંચી, અત્યંતર-બહાર સ્વચ્છ કરીને યાવતુ ચોતરફ નાચતા કુદતા દોડ્યા. ત્યારપછી અરહંત મલ્લી સહસામ્રવન ઉદ્યાનમાં ઉત્તમ અશોકવૃક્ષે આવ્યા, આવીને શિબિકાથી નીચે ઊતર્યા, આભરણ-અલંકાર પ્રભાવતીએ ગ્રહણ કર્યા. પછી અરહંત મલ્લીએ સ્વયમેવ પંચમુષ્ટિક લોચ કર્યો. ત્યારે શક્રેન્દ્ર મલ્લીના વાળ ગ્રહણ કર્યા અને ક્ષીરોદક સમુદ્રમાં પધરાવ્યા. ત્યારપછી અરહંત મલ્લીએ ‘સિદ્ધોને નમસ્કાર” એમ કહીને સામાયિક ચારિત્ર સ્વીકાર્યું જે સમયે અરહંત મલ્લીએ ચારિત્ર સ્વીકાર્યું. તે સમયે દેવો અને મનુષ્યો મનુષ્યોનો નિર્દોષ, વાદ્યોનો નાદ, ગીતાગાનનો નિર્દોષ શક્રના વચન સંદેશથી પૂર્ણ બંધ થયા. મુનિ દીપરત્નસાગર કૃત્ “(જ્ઞાતાધર્મકથા)” આગમસૂત્ર અનુવાદ Page 73