Agam 05 Bhagavai Panchamam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 479

सतं-२५, वग्गो- ,सत्तंसतं- , उद्देसो-६
परिहारविसुद्धियसंजमे होज्जा, सुहमसंपरायसंजमे होज्जा, अहक्खायसंजमे होज्जा? गोयमा! सामाइयसंजमे वा होज्जा, छेदोवठ्ठावणियसंजमे वा होज्जा, नो परिहारविसुद्धियसंजमे होज्जा, नो सुहमसंपरायसंजमे होज्जा, नो अहक्खायसंजमे होज्जा।
एवं बठसे वि। एवं पडिसेवणाकुसीले वि।
कसायकुसीले णं0 पुच्छा। गोयमा! सामाइयसंजमे वा होज्जा जाव सुहुमसंपरायसंजमे वा होज्जा, नो अहक्खायसंजमे होज्जा।
नियंठे णं0 पुच्छा। गोयमा! णो सामाइयसंजमे होज्जा जाव णो सुहुमसंपरायसंजमे होज्जा, अहक्खायसंजमे होज्जा।
एवं सिणाए वि।
[९०५]पुलाए णं भंते! किं पडिसेवए होज्जा, अपडिसेवए होज्जा? गोयमा! पडिसेवए होज्जा, नो अपडिसेवए होज्जा।
जदि पडिसेवए होज्जा किं मूलगुणपडिसेवए होज्जा, उत्तरगुणपडिसेवए होज्जा? गोयमा! मूलगुणपडिसेवए वा होज्जा, उत्तरगुणपडिसेवए वा होज्जा । मूलगुणपडिसेवमाणे पंचण्हं आसवाणं अन्नयरं
पडिसेवेज्जा, उत्तरगुणपडिसेवमाणे दसविहस्स पच्चक्खाणस्स अन्नयरं पडिसेवेज्जा। बउसे णं0 पुच्छा। गोयमा! पडिसेवए होज्जा, नो अपडिसेवए होज्जा।
जइ पडिसेवए होज्जा किं मूलगुणपडिसेवए होज्जा, उत्तरगुणपडिसेवए होज्जा? गोयमा! नो मूलगुणपडिसेवए होज्जा, उत्तरगुणपडिसेवए होज्जा। उत्तरगुणपडिसेवमाणे दसविहस्स पच्चक्खाणस्स अन्नयरं पडिसेवेज्जा।
पडिसेवणाकुसीले जहा पुलाए। कसायकुसीले0 पुच्छा। गोयमा! नो पडिसेवए होज्जा, अपडिसेवए होज्जा। एवं नियंठे वि। एवं सिणाए वि|
[९०६]पुलाए णं भंते! कतिसु नाणेसु होज्जा? गोयमा! दोसु वा तिसु वा होज्जा। दोसु होमाणे दोसु आभिणिबोहियनाण-सुयनाणेसु होज्जा, तिसु होमाणे तिसु आभिनिबोहियनाण-सुयनाणओहिनाणेसु होज्जा।
एवं बउसे वि। एवं पडिसेवणाकुसीले वि।
कसायकुसीले णं0 पुच्छा। गोयमा! दोसु वा तिसु वा चठसु वा होज्जा। दोसु होमाणे दोसु आभिनिबोहियनाण-सुयनाणेसु होज्जा। तिसु होमाणे तिसु आभिनिबोहियनाण-सुयनाण-ओहिनाणेसु अहवा तिसु आभिनिबोहियनाण-सुयनाण-मणपज्जवनाणेसु होज्जा। चठसु होमाणे चउसु आभिनिबोहियनाणसुयनाण-ओहिनाण-मणपज्जवनाणेसु होज्जा।
एवं नियंठे वि। सिणाए णं0 पुच्छा। गोयमा! एगम्मि केवलनाणे होज्जा।
[दीपरत्नसागर संशोधितः]
[478]
[५-भगवई