Agam 05 Bhagavai Panchamam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 491

सतं-२५, वग्गो- ,सत्तंसत्तं- , उद्देसो-७
सामाइयसंजए णं भंते! किं ठियकप्पे होज्जा, अठियकप्पे होज्जा? गोयमा! ठियकप्पे वा होज्जा, अठियकप्पे वा होज्जा।
छेदोवट्ठावणियसंजए0 पुच्छा। गोयमा! ठियकप्पे होज्जा, नो अठियकप्पे होज्जा। एवं परिहारविसुद्धियसंजए वि। सेसा जहा सामाइयसंजए।
सामाइयसंजए णं भंते! किं जिणकप्पे होज्जा, थेरकप्पे होज्जा, कप्पातीते होज्जा? गोयमा! जिणकप्पे वा होज्जा जहा कसायक्सीले तहेव निरवसेसं।
छेदोवट्ठावणिओ परिहारविसुद्धिओ य जहा बठसो। सेसा जहा नियंठे।
[९४३]सामाइयसंजए णं भंते! किं पुलाए होज्जा, बउसे जाव सिणाए होज्जा? गोयमा! पुलाए वा होज्जा, बउसे जाव कसायकुसीले वा होज्जा, नो नियंठे होज्जा, नो सिणाए होज्जा।
एवं छेदोवठावणिए वि।
परिहारविसुद्धियसंजते णं भंते!0 पुच्छा। गोयमा! नो पुलाए, नो बठसे, नो पडिसेवणाकुसीले होज्जा, कसायकुसीले होज्जा, नो नियंठे होज्जा, नो सिणाए होज्जा।
एवं सुहुमसंपराए वि।
अहक्खायसंजए0 पुच्छा। गोयमा! नो पुलाए होज्जा, जाव नो कसायकुसीले होज्जा, नियंठे वा होज्जा, सिणाए वा होज्जा।
सामाइयसंजए णं भंते! किं पडिसेवए होज्जा, अपडिसेवए होज्जा? गोयमा! पडिसेवए वा होज्जा, अपडिसेवए वा होज्जा।
जइ पडिसेवए होज्जा किं मूलगुणपडिसेवए होज्जा0? सेसं जहा पुलागस्स| जहा सामाइयसंजए एवं छेदोवट्ठावणिए वि। परिहारविसुद्धियसंजए0 पुच्छा। गोतमा! नो पडिसेवए होज्जा, अपडिसेवए होज्जा। एवं जाव अहक्खायसंजए।
सामाइयसंजए णं भंते! कतिसु नाणेसु होज्जा? गोयमा! दोसु वा, तिसु वा, चतुसु वा नाणेसु होज्जा। एवं जहा कसायकुसीलस्स तहेव चत्तारि नाणाई भयणाए।
एवं जाव सुहुमसंपराए। अहक्खायसंजतस्स पंच नाणाइं भयणाए जहा नाणुद्देसए।
सामाइयसंजते णं भंते! केवतियं सुयं अहिज्जेज्जा? गोयमा! जहन्नेणं अट्ठ पवयणमायाओ जहा कसायकुसीले।
एवं छेदोवट्ठावणिए वि।
परिहारविसुद्धियसंजए0 पुच्छा। गोयमा! जहन्नेणं नवमस्स पुवस्स तइयं आयारवत्थु, उक्कोसेणं असंपुण्णाई दस पुव्वाइं अहिज्जेज्जा।
सुहमसंपरायसंजए जहा सामाइयसंजए। अहक्खायसंजए0 पुच्छा। गोयमा! जहन्नेणं अट्ठ पवयणमायाओ, उक्कोसेणं चोद्दसपुव्वाई
[दीपरत्नसागर संशोधितः]]
[490]
[५-भगवई