Agam 05 Bhagavai Panchamam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 528

सतं - ३३, वग्गो, सत्तंसत्तं - २, उद्देसो - / ४-११
कण्हलेस्ससते वि भाणियव्वा जाव अचरिमकण्हलेस्सा एगिंदिया | * तेत्तीस मे सते बितियं एगिंटियसयं समतं • तइयं एगिंदियसयं
[१०२३] जहा कण्हलेस्सेहिं एवं नीललेस्सेहि वि सयं भाणितव्वं । सेवं भंते! सेवं भंते! ति०।
* तेत्तीस मे सते ततियं एगिंदियसयं समतं * चउत्थं एगिंदियसयं
[१०२४] एवं काउलेस्सेहि वि सयं भाणितव्वं, नवरं 'काउलेस्स' त्ति अभिलावो । * तेतीस मे सते चत्थो एगिंटियसयं समतं •
पंचमं एगिंटियसयं
[१०२५] कतिविहा णं भंते! भवसिद्धीया एगिंदिया पन्नत्ता? गोयमा ! पंचविहा भवसिद्धीया एगिंदिया पन्नत्ता, तं जहा - पुढविकाइया जाव वणस्सतिकाइया । भेदो चउक्कओ जाव वणस्सतिकाइय त्ति । भवसिद्धीय अपज्जत्तसुहुमपुढविकाइयाणं भंते! कति कम्मपगडीओ पन्नत्ताओ? एवं एतेणं अभिलावेणं जहेव पढमिल्लं एगिंदियसयं तहेव भवसिद्धीयसयं पि भाणियव्वं । उद्देसगपरिवाडी तहेव जाव अचरिम ति ।
सेवं भंते! सेवं भंते! ति०।
* तेत्तीसइमे सते पंचमं एगिंदियसयं समत्तं *
छट्ठं एगिंदियसयं
[१०२६] कतिविहा णं भंते! कण्हलेस्सा भवसिद्धीया एगिंदिया पन्नत्ता ? गोयमा ! पंचविहा कण्हलेस्सा भवसिद्धीया एगिंदिया पन्नत्ता, पुढविकाइया जाव वणस्सतिकाइया।
कण्हलेस्सभवसिद्धीयपुढविकाइया णं भंते! कतिविहा पन्नत्ता ? गोयमा ! दुविहा पण्णत्ता, तं जहा--सुहुमपुढविकाइया य, बायरपुढविकाइया य।
कण्हलेस्सभवसिद्धीयसुहुमपुढविकायिया णं भंते! कतिविहा पन्नत्ता ? गोयमा! दुविहा पन्नत्ता, तं जहा - पज्जत्तगा य अपज्जत्तगा य ।
एवं बायरा वि
एवं एतेणं अभिलावेणं तहेव चठक्कओ भेदो भाणियव्वो । कण्हलेस्सभवसिद्धीयअपज्जत्तासुहुमपुढविकाइयाणं भंते! कति कम्मपगडीओ पन्नताओ? एवं एएणं अभिलावेणं जहेव ओहिउद्देसए तहेव जाव वेदेंति त्ति ।
कतिविधा णं भंते! अणंतरोववन्नगा कण्हलेस्सा भवसिद्धीया एगिंदिया पन्नत्ता ? गोयमा ! पंचविहा अणंतरोववन्नगा जाव वणस्सतिकाइया ।
अणंतरोववन्नगकण्हलेस्सभवसिद्धीयपुढविकाइया णं भंते! कतिविहा पन्नत्ता? गोयमा! दुविहा पन्नत्ता, तं जहा--सुहुमपुढविकाइया य, बायरपुढविकाइया य।
एवं दुपओ भेदो।
[दीपरत्नसागर संशोधितः]
[527]
[५-भगवई