Agam 05 Bhagavai Panchamam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 535

सतं-३४, वग्गो - ,सत्तंसत्तं-१, उद्देसो-१
दुसमइय-तिसमइय-चठसमइयविग्गहो।
पुरथिमिल्ले जहा पच्चत्थिमिल्ले तहेव दुसमइय-तिसमइय-चठसमइय०।
पच्चत्थिमिल्ले चरिमंते समोहताणं पच्चत्थिमिल्ले चेव चरिमंते उववज्जमाणाणं जहा सट्ठाणे। उत्तरिल्ले उववज्जमाणाणं एगसमइओ विग्गहो नत्थि, सेसं तहेव। पुरत्थिमिल्ले जहा सट्ठाणे। दाहिणिल्ले एगसमइओ विग्गहो नत्थि, सेसं तं चेव।
उत्तरिल्ले समोहयाणं उत्तरिल्ले चेव उववज्जमाणाणं जहा सट्ठाणे। उत्तरिल्ले समोहयाणं पुरथिमिल्ले उववज्जमाणाणं एवं चेव, नवरं एगसमइओ विग्गहो नत्थि। उत्तरिल्ले समोहताणं दाहिणिल्ले उववज्जमाणाणं जहा सट्ठाणे। उत्तरिल्ले समोहयाणं पच्चत्थिमिल्ले उववज्जमाणाणं एगसमइओ विग्गहो नत्थि, सेसं तहेव जाव सुहमवणस्सतिकाइओ पज्जतओ सुहमवणस्सतिकाइएसु पज्जत्तएसु चेव।
कहिं णं भंते! बायरपुढविकाइयाणं पज्जत्ताणं ठाणा पन्नता? गोयमा! सट्ठाणेणं अट्ठस् पुढवीसु जहा ठाणपए जाव सुहमवणस्सतिकाइया जे य पज्जतगा जे य अपज्जतगा ते सव्वे एगविहा अविसेसमणाणत्ता सव्वलोगपरियावन्ना पण्णत्ता समणाउसो!।
अपज्जत्तासुहमपुढविकाइयाणं भंते! कति कम्मप्पगडीओ पन्नताओ! गोयमा! अठ कम्मप्पगडीओ पन्नताओ, तं जहा--नाणावरणिज्जं जाव अंतराइयं। एवं चठक्कएणं भेएणं जहेव एगिदियसएसु जाव बायरवणस्सतिकाइयाणं पज्जत्तगाणं।।
अपज्जतासुहुमपुढविकाइया णं भंते! कति कम्मपगडीओ बंधंति? गोयमा! सत्तविहबंधगा वि, अट्ठविहबंधगा वि जहा एगिदियसएस् जाव पज्जत्ताबायरवणस्सतिकाइया।
अपज्जत्तासुहुमपुढविकाइया णं भंते! कति कम्मपगडीओ वेएंति? गोयमा! चोद्दस कम्मपगडीओ वेएंति,तं जहा--नाणावरणिज्जं जहा एगिंदियसएसु जाव परिसवेयवज्झं।
एवं जाव बादरवणस्सइकाइयाणं पज्जत्तगाणं।
एगिंदिया णं भंते! कओ उववज्जति? किं नेरइएहिंतो? जहा वक्कंतीए पुढविकाइयाणं उववातो।
एगिंदियाणं भंते! कति समुग्घाया पन्नता? गोयमा! चत्तारि समुग्घाया पन्नता, तं जहावेयणासमुग्घाए जाव वेठव्वियसमुग्घाए।
एगिदिया णं भंते! किं तुल्लट्ठितीया तुल्लविसेसाहियं कम्म पकरेंति, तुल्लट्ठितीया वेमायविसेसाहियं कम्म पकरेंति, वेमायट्ठितीया तुल्लविसेसाहियं कम्मं पकरेंति, वेमायट्ठितीया वेमायविसेसाहियं कम्मं पकरेंति? गोयमा! अत्थेगइया तुल्लट्ठितीया तुल्लविसेसाहियं कम्मं पकरेंति, अत्थेगइया वेमायट्ठितीया तुल्लविसेसाहियं कम्मं पकरेंति, अत्थेगइया वेमायट्ठितीया वेमायविसेसाहियं कम्मं पकरेंति।
से केणठेणं भंते! एवं वुच्चति-अत्थेगइया तुल्लट्ठितीया जाव वेमायविसेसाहियं कम्म पकरेंति? गोयमा! एगिंदिया चठव्विहा पन्नत्ता, तं जहा-अत्थेगइया समाउया समोववन्नगा, अत्थेगइया समाउया विसमोववन्नगा, अत्थेगइया विसमाउया समोववन्नगा, अत्थेगइया विसमाउया विसमोववन्नगा। तत्थ णं जे ते समाउया समोववन्नगा ते णं तुल्लट्ठितीया तुल्लविसेसाहियं कम्मं पकरेंति, तत्थ णं जे ते समाउया विसमोववन्नगा ते णं तुल्लट्ठितीया वेमायविसेसाहियं कम्मं पकरेंति, तत्थ णं जे ते समाठया
[दीपरत्नसागर संशोधितः]
[534]
[५-भगवई