Agam 05 Bhagavai Panchamam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 485

सतं-२५, वग्गो- ,सत्तंसत्तं- , उद्देसो-६
जदि अकसायी होज्जा किं उवसंतकसायी होज्जा, खीणकसायी होज्जा? गोयमा! उवसंतकसायी वा होज्जा, खीणकसायी वा होज्जा।
सिणाए एवं चेव, नवरं नो उवसंतकसायी होज्जा, खीणकसायी होज्जा।
[९१९] पुलाए णं भंते! किं सलेस्से होज्जा, अलेस्से होज्जा? गोयमा! सलेस्से होज्जा, नो अलेस्से होज्जा।
जदि सलेस्से होज्जा से णं भंते! कतिसु लेसासु होज्जा? गोयमा! तिसु विसुद्धलेसासु होज्जा, तं जहा-तेउलेसाए, पम्हलेसाए, सुक्कलेसाए।
एवं बउसस्स वि। एवं पडिसेवणाकुसीले वि। कसायकुसीले0 पुच्छा। गोयमा! सलेस्से होज्जा, नो अलेस्से होज्जा।
जति सलेस्से होज्जा से णं भंते! कतिसु लेसासु होज्जा? गोयमा! छसु लेसासु होज्जा, तं जहा-कण्हलेसाए जाव सुक्कलेसाए।
नियंठे णं भंते!0 पुच्छा। गोयमा! सलेस्से होज्जा, नो अलेस्से होज्जा।
जदि सलेस्से होज्जा से णं भंते! कतिसु लेसासु होज्जा? गोयमा! एक्काए सुक्कलेसाए होज्जा।
सिणाए0 पुच्छा। गोयमा! सलेस्से वा होज्जा, अलेस्से वा होज्जा।
जति सलेस्से होज्जा से णं भंते! कतिसु लेसासु होज्जा? गोयमा! एगाए परमसुक्काए लेसाए होज्जा।
[९२०]पुलाए णं भंते! किं वड्ढमाणपरिणामे होज्जा, हायमाणपरिणामे होज्जा, अवट्ठिय परिणामे होज्जा? गोयमा! वड्ढमाणपरिणामे वा होज्जा, हायमाणपारिणामे वा होज्जा, अवट्ठियपरिणामे वा होज्जा।
एवं जाव कसायकुसीले।
नियंठे0 पुच्छा। गोयमा! वड्ढमाणपरिणामे होज्जा, नो हायमाणपरिणामे होज्जा, अवठ्ठियपरिणामे वा होज्जा।
एवं सिणाए वि।
पुलाए णं भंते! केवतियं कालं वड़ढमाणपरिणामे होज्जा? गोयमा! जहन्नेणं एक्कं समयं, उक्कोसेणं अंतोमुहत्तं।
केवतियं कालं हायमाणपरिणामे होज्जा? गोयमा! जहन्नेणं एक्कं समयं, उक्कोसेणं अंतोमुहत्तं।
केवइयं कालं अवठियपरिणामे होज्जा? गोयमा! जहन्नेणं एक्कं समयं, उक्कोसेणं सत्त
समया।
एवं जाव कसायकुसीले।
नियंठे णं भंते! केवतियं कालं वड्ढमाणपरिणामे होज्जा? गोयमा! जहन्नेणं अंतोमुहतं, उक्कोसेण वि अंतोमुहत्तं।
[दीपरत्नसागर संशोधितः]
[484]
[५-भगवई]