Vir Mitroday Puja Prakash

Author(s): Vishnuprasad Sharma
Publisher: Chaukhamba Sanskrit Series Office

Page 90

८६
www. kobatirth.org
वीरमित्रोदयस्य पूजाप्रकाशे
वैष्वक्सेनोद्धवाक्रूर सनकाद्याः शुकादयः । वासुदेवप्रसादं वै सर्वे गृह्णन्तु वैष्णवाः ॥ एवं प्रसङ्गागतमुक्त्वा अथ प्रकृतमनुसन्धीयते । अथ भुक्तवते दद्याज्जलैः कर्पूरवासितैः ॥ आचमनं तु ताम्बूलं चन्दनैः करमार्जनम् । अथ ताम्बूलविधिः ।
गन्धकर्पूरसंयुक्तं ताम्बूलं यो निवेदयेत् । विष्णवे भक्तियुक्तस्तु विष्णुलोके महीयते ॥ इति । रत्नकोशे,
महापिप्पलपत्रं च क्रमुकस्य फलानि च । शुक्तिक्षारेण संयुक्तं ताम्बूलमिति संज्ञितम् || श्वेतपत्रं च चूर्ण च क्रमुकाणां फलानि च । नारिकेलफलोपेतं मातुलुङ्गसमायुतम् ॥ एलाकङ्कोलकर्पूरैर्मुखवासं प्रचक्षते । एतेषामप्यलाभे तु तत्तद्रव्यं स्मरेद्बुधः ॥ तत्तद्द्रव्यं तु सङ्कल्प्य पुष्पैर्वापि समर्चयेत् । अर्चनेषु विहीनं यत्तत्तोयेन प्रकल्पयेत् ॥ इति । पूगजातीफले दत्त्वा जातीपत्रं तथैव च । लवङ्गकं च कङ्कोलमेला कटपलं तथा ॥ तांबूलीनां किसलयं दत्त्वा स्वर्गमवाप्नुयात् । सौभाग्यमतुलं लोके तथा रूपमनुत्तमम् ॥ अवाप्नुयादिति पूर्वेणान्वयः ।
इति ताम्बूलम् ।
अनुलिप्य जगन्नाथं तालवृन्तेन वीजयेत् । वायुलोकमवाप्नोति पुरुषस्तेन कर्मणा ||