Uttaradhyayan Sutram

Author(s): Hiralal Hansraj
Publisher: Hiralal Hansraj

Page 53

vvvvvvAnnunHA.Arvine
श्रीजैनसिद्धान्त-स्वाध्यायमाला वट्टए । सुयसअणासायणाए वट्टमाणे तित्थधम्म अवलम्बइ । तित्थधम्म अलम्बमाणे महानिजरे महापज्जवसाणे भवइ ॥ १९ ॥ पडिपुच्छणयाए णं भन्ते जीवे किं जणयइ । प० मुत्तत्थतदुभयाई विसोहेइ । कंखामोहणिज्जं कम्मं वोच्छिन्दइ ॥२०॥ परियट्टणाए णं भन्ते जीवे किं जणयइ । ५० वंजणाई जणयइ, वंजणलद्धिं च उप्पाएइ ॥२१॥ अणुप्पेहाए णं भन्ते जीवे किं जणयइ । अ०आउयवज्जाओ सत्तकम्मपगडीओ घणियबन्धणबद्धाओ सिढिलबन्धणलद्धाओ पकरेइ । दीहकालहिइयाओ हस्सकालठिई आसी पकरेइ । तिवाणुभावाओ मन्दाणुभावाओ पकरेइ । (बहुपएसग्गाओ अप्पपएसग्गाओ पकरेइ) आउयं च णं कम्मं सिया बन्धइ, सिया नो बन्धइ । असावेयणिज्जं च णं कम्मं नो भुज्जो भुज्जो उवचिणाइ। अणाइयं च णं अणवदग्गं दीहमद्धं चाउरन्तं संसारकन्तारं खिप्पामेव वीइवमइ ॥२२॥ धम्मकहाए णं भन्ते जीवे किं जणयइ । ध निजरं जणयइ । धम्मकहाए णं पवयणं पभावेइ । पवयणपभावेणं जीवे आगमेसस्स भद्दत्ताए कम्मं निबन्धइ ॥ २३॥ सुयस्स आराहणयाए णं भन्ते जीवे किं जणयइ । सु० अन्नाणं खवेइ न य संकिलिस्सइ ।। २४ ॥ एगग्गमणसंनिवेसण. याए णं भन्ते जीवे किं जणयइ । ए.चित्तनिरोहं करेइ ॥ २५ ॥ संजमएणं भन्ते जीवे किं जणयह । स० अणण्हयत्तं जणयइ ॥ २६ ॥ तवेणं भन्ते जीवे किं जणयइ ॥ तवेणं वोदाणं जणयइ ॥ २७ ॥ वोदाणेणं भन्ते जीवे किं जणयइ । वो० अकिरियं जणयइ । अकिरियाए भवित्ता तओ पच्छा सिज्झइ, बुज्झइ मुच्चइ परिनिवायइ सबदुक्खाणमन्तं करेइ ॥ २८ ॥ सुहसाएणं भन्ते जीवे किं जणयइ । सु० अणुस्मुयत्तं जणयइ । अणुस्सुयाए णं जीवे अणुकम्पए अणुब्भडे विगयसोगे चरितमोहणिज्नं कम्मं खवेइ ॥२९॥ अप्पडिबद्धयाए णं भन्ते जीवे किं जणयइ । अ० निस्संगतं जणयइ । निस्संगत्तणं जीवे एगे एगग्गचित्ते दिया य राओ य असज्जमाणे अप्पडिबद्धे यावि विहरइ ॥ ३० ॥ विवित्तसयणासण याए णं भन्ते जीवे किं जणयह । वि० चरित्तगुत्तिं जणयइ । चरित्तगुत्ते य ण जीवे विवित्ताहारे दढचरित्ते एगन्तरए मोक्खभावपडिवन्ने अट्ठविहकम्मगंठिं निज़रेइ ॥३१॥ विनियट्टयाए णं भन्ते जीवे किं जणयइ । वि० पावकम्माणं अकरणयाए अब्भुटेइ । पुचबद्धाण य निजरणयाए तं नियत्तेइ । तओ पच्छा चाउरन्तं संसारकन्तारं वीइवयइ ।। ३२ ॥ संभोगपञ्चक्खाणेणं भन्ते जीवे किं जणयइ । सं० आलम्बणाई खवेइ । निरालम्बणस्स य आयडिया योगा भवन्ति । सएणं लाभेणं संमुस्सइ, परलाभं नो आसादेइ, परलाभं नो तकेइ, नो पीहेइ, नो पत्थेइ, नो अभिलसइ । परलाभ अणस्सायमाणे अतक्केमाणे अपीहमाणे अपत्येमाणे अणभिलसमाणे दुच्चं सुहसेज्जं उववसंपज्जित्ता ण विहरइ ॥ ३३ ॥ उवहिपच्चक्खाणेणं भन्ते जीवे किं जणयइ । उ० अपलिमन्थं जणयइ । निरुवहिए णं जीवे निकंखी उबहिमन्तरेण य न संकिलिस्सई ॥३४॥ आहारपञ्चकखाणेणं भन्ते जीवे किं जणयइ । आ० जीवियासंसप्पओगं वोच्छिन्दइ । जीवियासंसप्पओगं वोच्छिन्दित्ता जीवे आहारमन्तरेणं न संकिलिस्सइ ॥ ३५ ॥ कसायपच्चक्खाणेणं भन्ते जीवे किं जणयइ। क० वीयरागभावं जणयह । वीयरागभावपडिवने वि य णं जीवे समसुहदुक्खे भवइ ॥ ३६ ॥ जोगपञ्चक्खाणेणं भन्ने जीवे किं जणयइ । जो० अजोगत्तं जणयह अजोगे णं जीवे नवं कम्मं न बन्धइ, पुत्वबद्धं निजरेइ ।। ३७ ॥ सरीरपञ्चक्खाणेणं भन्ते जीवे किं जणयइ । स० सिद्धाइसयगुणकित्तणं निवत्तेइ सिद्धाइसयगुणसंपन्ने यणं जीवे लोगग्गमुवगए परमसुही भवइ ॥ ३८ ॥