Siri Chandrai Chariyam

Author(s): Kastursuri, Chandrodayvijay,
Publisher: Nemi Vigyan Kastursuri Gyanmandir

Page 293

सिरिचंदरायचरिप
॥२४॥
साहुणीए कंठपासं छिंदिऊण तं सीयलुवयारेहिं सावहाणं विहेऊण उवसमग-चयणेहिं च पसंतमाणसं किच्चा भोयणं करावेसी। अह अज्जा वि पसंतरोसा सुमरिअनियायारा समयागुणविहूसिआ निरइयारचारितं पालिउं पयट्टित्था । नरवइसुआ तिलगमंजरी तहाविहाऽवण्णवायजणियदुक्कम्मेण अच्चंतं चिक्कणं कम्मं बंधित्था । तो तिलगमंजरी-रुखमईणं कइया कइया जैइण-सइवमयतत्तेसुं विवाओ जायए, उभयाओ वि निय-नियधम्माऽणुट्ठाणपराओ अवरस्स धम्मं न मण्णेइरे । _अह एगया विराडदेसाहिबई जियसत्तू नाम नरिंदो नियसुअसूरसेणस्स करणं समरूवगुणजुअं तिलगमंजरि मग्गिउं नियमंतिं तिलगापुरि पेसेइ । सो वि निरंतरपयाणेहि तत्थ गंतूणं मयणब्भमभूवई पणमिऊण नियवुत्तंतं निवेएइ । नरवई तस्स वयणं सोच्चा रहंसि नियनंदणं पुच्छेइ । सा वि लज्जं धरती साहेइ-ताय ! मम सही मंतिपुत्ती रूवमई जइ तं वरं महेइ, तइया अम्हे दोणि तं वरं वरामो, जओबालत्तणाओ एव अम्हेहिं दोहि 'एगो वरो वरणीओ' त्ति संकेओ विहिओ अत्थि, जेण अम्हाण विओगो न होज्जा । मयणब्भमो भूवई तम्मि समयम्मि एव नियमंतिं आहविऊण तं वुत्तंतं वियाणाविऊणं साहेइ-मंति ! जइ तुम्ह पुत्ती एवं वरं वरेज्जा तइया दुहं सद्धिं विवाहनिच्चयं कुणेमो । मंतिणा भणिअं-राय ! एयम्मि विसए मज्झ को वि विरोहो न, भवओ जइ रुई तया मज्झ वि इमो सबंधो अभिमओ। तो विराडदेसमंतिं नियंतिगम्मि आइवित्ता मयणब्भमो निवो निया
१ सचेतनाम् । २ जैनशैवमत
॥२४१॥
For Personal Private Use Only