Siri Chandrai Chariyam

Author(s): Kastursuri, Chandrodayvijay,
Publisher: Nemi Vigyan Kastursuri Gyanmandir

Page 304

सिरिचंद - रायचरिए
चउत्थो
॥२५२॥
सरसजुअं घेयपुण्णं भक्खिउं न उज्जमेज्जा ?,' इअ निअपियस्स वयणाई सोच्चा गुणावली-पेमलालच्छीओ दोण्णि भज्जाओ तं भववासाय बहुए उवाए कासी तहवि वेरग्गवासिअमाणस नरवई चालिङ न सक्काओ । तया ताहिं चारित्तगहणटुं अणुण्णा दिण्णा। तओ हरिसिअमणो चंदराओ गुणावलीसुअं गुणसेहरं आभापुरीए रज्जम्मि ठविऊण मणिसेहरपमुहावरकुमाराणं च विभइत्ता णाणा देसे समप्पिऊण ते सव्वे परितोसेइ । तओ चारित्तग्गहणुक्कंठिअं चंदरायं दट्टणं तस्स गुणावलीपमुहाओ सत्तसयमहिसीओ सुमइमंती सिवकुमारो य नडो एए सव्वे सविणयं भासेइरे-नाह ! वियाणियासारसंसारसरूवा अम्हे वि तुम्हेहिं सद्धिं पव्वज गिण्हिस्सामो । एवं ताणं वयणं निसमिऊण चंदराओ पसण्णमणो संजाओ।
अह पिउभत्तिनिरया गुणसेहर-मणिसेहरा नियविभवाणुसारेण महाऽऽडंबरेण दिक्खामहसवं विहेइरे । चंदराओ सपरिवारो दीणाऽणाहाईणं दाणं दितो महामहेण मुणिसुव्वयसामिणो अंतिगं बच्चेइ, जगणाहं च वंदिऊण जहट्ठाणं सव्वे ते उवविट्ठा । जिणीसरदेवो संसारसागरतारिणिं देसणं देइ
संसारम्मि असारे, नत्थि सुहं वाहिवेयणापउरे । जाणतो इह जीवो न कुणइ जिणदेसि धम्मं ॥१४६॥ बंधवा सुहिणो सब्वे, पियमायापुत्तभारिआ । पेअवणाउ निअत्तंति, दाऊण सलिलंजलिं ॥१४७|| अडकम्मपासबद्धो, संसारचारए ठाइ । अडकम्मपासमुक्को, 'आया सिवमंदिरे ठाइ ॥१४८॥
विहवो सज्जणसंगो, विसयसुहाई विलासललिआइं । नलिणीदलग्गघोलिर,-जललवपरिचंचलं सव्वं ॥१४९॥ १. घृतपूर्णम्-घेबर । २. आत्मा ।
॥२५२॥
Jain Education intenta
4
w ww.jainelerary.org,