Siri Chandrai Chariyam

Author(s): Kastursuri, Chandrodayvijay,
Publisher: Nemi Vigyan Kastursuri Gyanmandir

Page 294

सिरिचंद रायचरिए
॥२४२॥
Jain Education Inter
भिप्पायं कहित्था - जं अम्हे मम पुत्तीए मंतिपुत्तीए य विवाहं तुव रायपुत्तेण सूरसेणकुमारेण सद्धिं अणुमणिमो, तं सोच्चा पमुइयमणो विराडदेसमंती जोइसिअवरं समाहवित्ता लग्गदिष्णं निण्णेइत्था । तओ मयणभमभूवइणो अणुण्णं घेत्तणं विराडनयरं गच्छत्था, नियसामिणो पुरओ विवाहवुत्तंतं सो निवेes | विराडनरवई तं सोच्चा परमपमोअ संपत्ती । तओ लग्गदिवसे समीवे समागए महयाऽऽडंबरेण वरवाहणाईं सज्जिऊण विराडनरवई सूरसेणकुमारेण सह तिलगापुरिं समागओ । महामहूसवेण ताणं विवाहो संजाओ, करमोअणसमयम्मि मयणग्भमनरिंदेण तह मंतिणा गयहयरहवत्थाऽऽभरणाई बहुणाई दिण्णाई, भारिआदुगसहिओ सूरसेणकुमारो नियजणगाइपरिवारेण सद्धिं नियपुरिं समागच्छत्था, उभयाउ वि बहूओ सासूससुरमज्जायं धरतीओ गिहकज्जाई च कुर्णतीओ नियमत्तुणा समं बहुविहारं कामभोगाई भुजमाणाओ सुसुण कालं जावेइरे | सासू गेहभारसमत्थं वहूदुगं वियाणित्ता तासु निहियघर किच्चभारा सयं चिंताविरहिया होत्था । तओ तीओ दुण्णि सहीओ जहासमयं गिहकिच्चाई कुणंतीओ नियनियधम्माराहणपरा सुण चिट्ठति । कुलवहूण इणमेव करणीअं । ताणं सुहं अणुभवंतीणं कया कया परूप्परं धम्मम्मि विवाओ जाएइ, तेण निमित्तेण ताओ इक्कमाणसाओ न हुविरे, तह य परूप्परं सवक्की भावाओ विसेसेण विभिन्नयाए कारणं अवरं पि उवट्ठिं । जओ लोगम्मि कहिज्जइ - सबक्कित्तणाओ सूलिया वरं, जेण सूलिगाए एगपए च्चिअ पीलिज्जइ, सबक्की उपए पए डहेई । सोयराओ बहिणीओ वि जइ समाणभत्तुगाओ होज्जा तइया ताओ
१. सपत्नीत्वात् । २. सोदराः ।
चजत्थो उसो
॥२४२॥