Shrutsagar 2015 04 Volume 01 11

Author(s): Hiren K Doshi
Publisher: Acharya Kailassagarsuri Gyanmandir Koba

Page 7

श्रुतसागर
अप्रैल-२०१५ મૃત્યુ પાછળ અમરતા
આચાર્ય બુદ્ધિસાગરસૂરિજી જે જે નિમિત્તે દેહનું પડવું થવાનું થાય છે, ત્યાં સાક્ષીભાવે દેખતાં આતમ નહીં ભરમાય છે. મન તન સંબંધે પ્રગટતું પ્રારબ્ધ ભોગવવું સહી, ઉપયોગ સાક્ષી ભાવથી સુરતા જ અંતરમાં રહી. ૮૪ મન ઇન્દ્રિયોને દેહથી ભોગાય સુખ દુઃખ ભોગને, શાતા અહા બહુ જાતની ભોગવાય સંકટ રોગને, સાક્ષી બનીને આતમા સમભાવથી સહુ ભોગવે, જીવન ક્ષણે ક્ષણ નવ નવું આનંદ ઉત્સવ ઉઝવે. ૮૫ શુદ્ધાત્મ આનંદ ઉત્સવે રહેતાં જ દેહ ટળે યદા, તો પણ અહો આનંદ છે જ નહીં ટળે હૈયે તદા, પ્યારી ગણેલી વાસના ટળતાં ન આતમ હું ટળું, શુદ્ધાત્મ નિજ પર્યાયમાં આવિર્ભવે હું મળું. ૮૬ જે આત્મજ્ઞાની આતમા તે ઓળખે મુજને ખરો, અજ્ઞાની તનુને ઓળખે મુંજાય થાતો ગળગળો, જે દેહના તે દેહીયો ને આત્મના તે જ્ઞાનિયો, જે આત્મના છે જ્ઞાનિયો તે પામતા સુખ વાનિયો. ૮૭ ઓળખાણ નામને દેહથી ઓળખાણ સાચું નહીં કદી, જે નામરૂપે ઓળખો તે હું નહીં માયા બધી, આવો અમારી પાછળ આતમ મહને દિલ પારખી, સાત્વિક પરાભક્તિ બળે થાશે દશા નિજ સારિખી. ૮૮ આતમ અમર નિજ જાણજો તન મન ક્ષણિક છે જાણવું, સહુમાં અને સહુ ભિન્ન એવું બ્રહ્મ દિલમાં આણવું, આ વિશ્વનો છે બાગ તેનો સ્વામી આતમ જાણવો, જો મોહથી મુંઝાય ના તો શુદ્ધબ્રહ્મ પિછાણવો. ૮૯