Shrutsagar 2015 04 Volume 01 11

Author(s): Hiren K Doshi
Publisher: Acharya Kailassagarsuri Gyanmandir Koba

Page 29

श्रुतसागर
27
-२०१५
अप्रैल -: कालापक व्याकरण', नाममाला', धातुपाठ, लिंगानुशासन अने छंदशास्त्रनो अभ्यास करे छे ए वातनो उल्लेख करी आ सर्गनी समाप्ति कराई छे.
जो सर्ग गुरुपरंपराना वर्णरूप छे. एनी शरूआत महावीरस्वामीथी कराई छे. एमना शिष्य प्रथम गणधर गौतमस्वामीने उद्देशीने अने पांचमा गणधर सुधर्मस्वामीने अंगे एकेक श्लोकरची ए पांचमा गणधरनी शिष्यपरंपरा आपतां क्रमसर नीचे मुजब मुनिवरोनो परिचय एकेक श्लोक द्वारा करावायो छे.
जंबूस्वामी', प्रभवस्वामी, शय्यंभवसूरि, यशोभद्रसूरि, संभूतिविजय, भद्रबाहुस्वामी, स्थूलभद्र, आर्य महागिरिसूरि, आर्य सुहस्तिसूरि, ईन्द्रदिन्न, दिन्नसूरि, सिंहगिरिसूरि, वज्रस्वामी अने वज्रसेन.
ए वज्रसेनने चार शिष्यो हता अने एमना नामथी चार गच्छ थया. ए पैकी 'चंद्र' गच्छमां सर्वदेवसूरि थया. एमणे वडना झाड नीचे बेसी आठ शिष्योने सूरिपद आप्युं. त्यारथी ए गच्छ 'वटगच्छ' तेमज 'बृहद्गच्छ 'ना नामे ओळखावा लाग्यो. ए गच्छमां कालांतरे जगच्चंद्रसूरि थया. एमणे बार वर्ष सुधी आंबेलनुं तप कर्यु, एथी एमनो गच्छ 'तपा' तरीके प्रसिद्धि पाम्यो.
एमना शिष्य देवेन्द्रसूरिनी व्याख्यानकळा वखणाती हती. ए कर्मग्रंथना रचनारने विद्यानंद नामे शिष्य थया. एमने पालणपुरना राजाए रचावेला प्रह्लादनविहारमां सूरिपद अपायुं त्यारे देवोए कपूर अने केसरनी वृष्टि करी हती एम अहीं कह्युं छे.
एमनी पाटे धर्मघोषसूरि थया. एक वेळा उज्जैनमां कोई एक योगीए सर्पों विकुर्व्या अनेए सूरि उपर मूक्या, ते समये ए सूरिए ए योगीने क्रौंच - बंधथी बांधी लीधो. योगीए पोताने छोडी मूकवा प्रार्थना करी एटले सूरिए तेम कर्यु. विद्यापुरमां ए सूरिए चार शाकिनीओने स्तंभित करी. ए सूरिनी पाटे सोमप्रभसूरि थया. अने एमनी पाटे सोमतिलकसूरि थया, अने ए सूरिने जयानंदसूरि नामे शिष्य थया.
चोथा सर्गना प्रारंभमां कह्युं छे के एक वेळा ए जयानंदसूरि प्रह्लादनपुरमां पधार्या त्यारे एमनी देशना सांभळवा सोमकुमार एमना पिता सज्जननी साथे गया. ए सांभळी
१. मूळमां श्लो. ६४मां आम छे. खरी रीते 'कलापक' जोईए. एने 'कातंत्र' तेमज 'कौमार' पण कहे छे., २. भाषांतरमां ‘अष्टभिध एवं कोशनुं नाम अपायुं छे ते भ्रान्त छे., ३. आने अंगेना श्लोकनुं भाषांतर विचारणीय छे., ४. एमने उद्देशीने भाषांतरमां एवो उल्लेख करायो छे के- 'ज्ञातासूल उपर आक्षेप करनार समग्र वादीओने जीतनारा' भूलभरेलुं भाषांतर छे. 'आगमनो जाणकार अने समग्र वादीओने जीतनार' एम जोईए.