Shrutsagar 2015 04 Volume 01 11

Author(s): Hiren K Doshi
Publisher: Acharya Kailassagarsuri Gyanmandir Koba

Page 30

SHRUTSAGAR
APRIL-2015 सोमकुमारने वैराग्य उत्पन्न थयो. जयानंदसूरिए एमना देहनां विविध लक्षणो विचार्यां.
आ लक्षणो कविए एक पछी एक वर्णव्यां छे. तेम करतां एमणे हाथनी रेखाओ पण वर्णवी छे. जयानंदसूरिए सज्जन पासे पुत्रनी मांगणी करी. ____ए अंते एमने कबूल राखी अने धामधूमपूर्वक पुत्रने दीक्षा अपाववा तैयारी करी, ए समये जयानंदसूरिए नंदिनी स्थापना करी अने सोमकुमारने एमनी भगिनी सहित वि. सं. १४३७मां दीक्षा आपी. ए सोमकुमार नाम सोमसुंदर पाड्यु. ____ मुख्यतया 'वसंततिलका' छंदमां रचायेला पांचमा सर्गना आद्य पद्यमां जयानंदसूरि स्वर्गे संचर्या अने देवसुंदरसूरि गच्छनायक बन्या ए हकीकत रजू कराई छे. त्यार बाद ए सूरिनी प्रशंसा कराई छे. ए सूरिए सोमसुंदरसूरिने उत्तम ग्रंथोनो अभ्यास कराववाना इरादे ज्ञानसागरसूरि पासे मोकल्या. तेम थतां एमणे ट्रॅक समयमां विविध विषयोनो साचो बोध मेळव्यो. ___एमणे विवाहप्रज्ञप्तिना योगवहन कर्या एटले एमने 'गणि' पदवी अपाई. अने वि. सं. १४५०मां वाचक' पद अपायु. राजकुलपाटक वगेरे स्थळे विचरी सोमसुंदरसूरि अणहिल्लपुर पाटणमां आव्या. त्यांना नरसिंह नामना गृहस्थे देवसुंदरसूरिने विज्ञप्ति करी के सोमसुंदर गणिने 'सूरि' पदवी आपो. अने मने ए अंगे उत्सव करवानी अनुज्ञा आपो.
विज्ञप्ति स्वीकारातां ए गृहस्थे नगरने अने पोताना महेलने शणगार्यां. शुभ मुहूर्ते देवसुंदरसूरि ए गृहस्थने त्यां शिष्यो सहित पधार्या. अने एमणे जिनप्रतिमा सहित नंदी मांडी. भेरी, बुरंगक(वांसळी) अने मृदंगना अवाज संभळावा लाग्या. धवलमंगळनो मधुर अवाज गूजवा लाग्यो. एवे समये देवसुंदरसूरिए नंदिसूत्रनो पाठ करी सोमसुंदरगणिने सूरिमंत्र आप्यो. तेम थतां वि. सं. १४४७ मां ए गणि सूरि बन्या.
ए समये नरसिंहे श्रीसंघनो सत्कार कर्यो अने याचकोने दान दीधुं. वळी सुखभक्षिका, मोदक, सोमाल', वडां, लापसी, खाजां, कूर, दाळ अने घोळ वडे संघने जमाङयो. - छठ्ठा सर्गना प्रारंभमां वृद्ध गुरुना स्वर्गवासनी अने सोमसुंदरसूरि गच्छनायक थयानी हकीकत रजू कराई छे. त्यार बाद एमनी प्रसंशारूप पद्यो छे. पछी ‘समेल' सरोवरन अने ए सरोवरवाळा नगरनुं मनोहर वर्णन छे.
१. आनो अर्थ जाणवो बाकी रहे छे.