Shatkhandagama Pustak 15

Author(s): Bhutbali, Hiralal Jain, Fulchandra Jain Shastri, Balchandra Shastri
Publisher: Jain Sanskruti Samrakshak Sangh Solapur

Page 394

संतकम्मपंजिया
( २१
इदि किमळं उदय-उदीरणाणं एगरूवो(वे) अणुभागे संते उदीरणाए आहारसण्णा होदि त्ति णियमो? उच्चदे- उदयो दुविहो द्विदिक्खयोदय-स्थिउक्कोदयभेदेण । तत्थ थिउक्कोदयफलं सगसरूवेण णत्थि त्ति णिफलं जादं । पुणो ट्ठिदिखयोदयफलं सगसरूवफलत्तादो सफलं । तस्स उदयाणुरूव उदीरणा वि होदि । बिदियमुदयाणुरूवा, तदो दो वि अविणाभावियो इदि एत्थ कटु तस्स पहाणत्तं दिण्णं ।
(पृ० ५९) पुणो उवघादणामस्स उदीरणा सरीरगहिदपढमसमयप्पहुडि होदि त्ति। कुदो एस णियमो ? ण, अमुत्तस्स जीवस्स अणादिकम्मसंबंधेण मुत्तत्तमुवगयस्स कम्मइयसरीरोदयसंबंधेण पुणो अदीव सुहुमत्तमुवगयस्स तदो चेव बाधावज्जिदस्स पुणो णोकम्मसरीरोदयसंबंधेण बाधासहगदं तस्स सरीरं जादं । तदो तथ उवघादकम्मस्स उदीरणा होदि त्ति सामित्रं दिण्णं । तस्स फलं वत्तावत्तसरूवेण वाद-पइत्त-सेम्हादिबाधाओ? उवचिदावयवपरेहिं घादहेदभूदपोग्गलोवचओ होदि ।
पुणो परघादणामस्स उदीरणा सरीरपज्जत्तयस्स होदि त्ति । कुदो एस णियमो ? ण, पज्जत्तावयवेहि परघाहेदुभूदपोग्गलोवचयाणं एत्थ दिस्समाणत्तादो । पुणो
उस्सासणामस्स मिच्छाइटिप्पहुडि जाव सजोगिकेवलिचरिमसमयो त्ति उदीरणा । णवरि आणपाणपज्जत्तीए पज्जत्तयदो संतो सजोगो उदीरेदि इदि । पृ० ५९.
एदस्स अत्यो उच्चदे । तं जहा- एत्थ जाव सजोगिकेवसिचरिमसमयो ताउस्सासमुदीरेदि त्ति उत्ते उस्सासणिरोहं करेंतकेवलिचरिमसमओ जाव तावेदस्सुस्सास्सुदीणा जीवपदेसाण परिप्फंदमुस्सासरूवं च करेदि । तत्तो परं ते दोण्णि वि कज्जाणि करेदुमसत्था होदूण तत्थ फल सगरूवेण पदेसणिज्जरं ण करेदि त्ति वत्तव्वं । एवं भासाकम्मुदीरणाफलं पि वत्तव्वं । पुणो केवलिसमुग्धादं करेंतकेंवलिस्स कवाड-पदर-लोगपूरणासु ट्ठिदस्स उदयं णागच्छंतपयडीणमेवं चेव कमो होदि त्ति जाणिय वत्तव्यो । तेसिमंतदीवय त्ति वा घेत्तव्वं ।
पुणो उस्सासणामस्स उदीरणा आणापाणपज्जत्तीए पज्जत्तयदमिच्छाइटिप्पहुडि सजोगिकेवलि त्ति । कुदो एसो णियमो ? ण, जीवविवाइसुहपयडिउस्सासस्स उदीरणा जीवपदेसपरिप्फंदस्स कारणं होदूण तत्थ पदेसपरिप्फंदयम्मि तप्पदेसट्ठियकम्म-णोकम्माणं विस्सासपरमाणूणं वत्तावत्तसरूवेण गालणं करेदि त्ति जाणावणठं णियमो कदो। मारणंतियादिकिरियाहि जीवपदेसपरिप्फंदणिबंधणाहि विणा संतट्ठियजीवाणं पदेसारप्फंदो होदि त्ति कथं णव्वदे ? ण, सिया ठिया सिया अट्ठिया सिया ट्ठियाट्ठिया त्ति आरिसादो। पुणो पदेसपरिप्फंदो विस्सासपरमाणणं गालणं करेदि त्ति कुदो णव्वदे ? ण, दंड-कवाड (पदर-)लोगपूरणेसु जादजीवपदेसपरिप्फंदो जहा असंखेज्जगणसेढीए कम्मणिज्जरण हेद जादो तहा एत्थ वि होदि त्ति णव्वदे। कथं वीयराएहि कदकज्जेण सरागेहि कदकज्जस्स समाणत्तं ? ण, विस्सासपरमाणगालणादो कम्मपरमाणगालणाणं समाणत्ताभावादो। कथं वत्तसरूवेण गालणं? उस्सासादिवादसरूवेण खेदमुप्पाइय गलतविस्सासपरमाणूणं पाससरूवेणुवलंभादो। एदं खेदो इदि कुदो णव्वदे ? सुही (हि) देवेसु चिरकालेणुस्सासोवलंभादो कम्म-णोकम्माणं सम्मिस्सिदविस्सासपरमाणूणं फलत्तादो वा।
पुणो एवं विहपरिप्फंदो तसकम्मोदीरणाए होदि त्ति चे- ण, तसेसु पदेसपरिप्फंदणियमे संते थावरजीवपदेसपरिप्फंदाभावो पसज्जदे । ण च एवं, तत्थ वि पदेसपरिप्फंदुवलंभादो। तदो
तसकम्मोदीरणाए ठाणचलणादि (दी) होदि त्ति घेत्तव्यं । जदि एवं (तो) उस्सासोदएहिं पदेसJain Education International