Shatkhandagama Pustak 15

Author(s): Bhutbali, Hiralal Jain, Fulchandra Jain Shastri, Balchandra Shastri
Publisher: Jain Sanskruti Samrakshak Sangh Solapur

Page 393

२०)
परिशिष्ट
घादित्तादो। सो च सुद्धत्तोवजोगो इंदियपज्जत्तीए पज्जत्तयदस्स होदि त्ति तप्पडि (तं पडि)सामित्त दिण्णं । पुणो एदाओ पच्छालि (दि) ददसणोवजोगं पुव्वं क (का) ऊणुप्पज्जमाणणाणोवजोगसुद्धि पि णासेंति । ण च णिम्मूलं विणासेंति, तहा जीवस्सभावप्पसंगादो । पुणो णिद्दा-पयलाणमुदीरणाओ वत्तावत्तदंसणोवजोगं सव्वत्थ जायमाणं कहिं पि कहिं पि पच्छादेति । पच्छादेंता वि दसणोवयोगसुद्धि पच्छादेंति, ण णिम्मूलं पच्छादेंति । तथा सति कथं सव्वधादिमिदि चे- ण, सव्वघादिसम्मामिच्छत्तोदयो व्व संपुण्णत्तघादणं पडि सव्वघादिदत्तादो। एवं संते णिद्दा-पयलाण परावत्तोदयाणं उदीरणाकाला दिवसो (सा)दयो दिस्समाणा उवलंभंति। कुदो? दोण्हं उवजोगाण तत्थ उवलंभादो। कथमेदं णव्वदे ? झाणकाले वि णिद्दा-पयलाणं उदीरणसंभवलंभादो।
पूणो किमळं स्थीणतियाणं उदीरणा अप्पमत्तसंजदेसु तिविहकारणाणुप्पण्णाहारदिदी(रिद्धि) एसु पमत्तेसु विगुव्वणमुट्ठाविदेसु असंखेज्जवस्साउगतिरिक्ख-मणुस्सेसु देव-णेरइएसु च णत्थि ? ण, णाणेण बहिरंगत्थोवजोगेण कसाय ( ? ) मंदकसाएणुप्पण्णविसोहीए जादअप्पमत्तपमत्तविगुव्वगाहारट्ठिदी (रिद्धी)सु तदत्थित्तविरोहादो, असंखेज्जवस्साउगतिरिक्ख-मणुस्सेसु सव्वहा सुहीसु सुहबहुलदेवेसु दुक्खबहुलणारएसु च तदस्थित्तविरोहादो। एदेसिमेसा णत्थि त्ति तं पि अस्थि । तं कथं? तिकरणपरिणामाणं विसोहिसरूवाणं पारंभणियमा सुदोतजोगो जागारो त्ति परूवयाणमुवलंभादो । पुणो विगुव्वणाहाररिद्धिउट्ठावणाहिमुहाणं चरिमावलिम्मि वि उदीरणा णत्थि चेव । कुदो ? तेण उप्पज्जमाणकारणपयत्तेण ।
पुणो सादासादवेदणीय-मणुसाउगाणं च मिच्छाइटिप्पहुडि जाव पमत्तसंजदो ताव उदीरणा होदि, उवरि णस्थि त्ति। कुदो णियमो? उच्चदे- दाण-लाभ-भोगोपभोग-वीरियंतरायाणं खओवसमाविसेसमाहप्पेण बाहिरभंतरवत्थुपज्जायाणं पंचिदिय-णोइंदियाणं पल्हादकरणसमत्थाणं संपादणेणुप्पण्णं जीवस्स जं सुहं तं सादावेदणीयस्स फलं । पुणो तेसिं चेव खओवसमविसेसहाणीए बाहिरब्भंतरे (र)वत्थुपज्जायाणं इंदियपल्हादकरणसमत्थाणं संपादणविगमेहि जीवस्स जमुप्पणं दुक्खं तं असादवेदणीयफलं । एवंविहदोण्हं कम्माणं फलाणि रागिस्स दोसिस्स होति । कुदो ? परिणामायत्तादो । अप्पमत्तादि-उवरिमगुणट्ठाणजीवाणं तिव्वविसोहिपरिणदाणं चित्तसंतोसमसंतोसं च काउं तेसिं दोण्ह फलाणं सामत्थियाभावादो। कदो? तेस उवजोग जादे झाणाणववत्तीदो तत्थ तेसिमदयाण फलं णिप्फलं जादं । पूणो उदयस्स फलविरोडिजादविसोहि (ही) उदयाणुसारिउदीरणस्स विरोही किण्ण भवे ? भवदि चेव । तदो चेव कारणादो ओकड्डिदपरमाणूणं उदयावलियम्भंतरे पवेसिदं ण दिण्णं ।
एवं णवणोकसाय-चदुसंलणोदय-उदीरणाणं पुव्वं फलभावो वत्तबो। तेसिमुदीरणा एवं संते तत्थ किं ण पलि (डि)सेहिज्जदि ? ण, तेसिमुदय-उदीरणाण फलाणि सादासादोदएसु उप्पज्जति । तत्थुप्पण्णोदीरणकज्जं ण परिणामाणं विरोहित्तं जादं । पुणो असादस्स उदीरणेण वि सवेदणरत्तक्खयादिदुक्खसरूवेण तिव्व-तिव्वतमादिसंकिलेसाविणाभाविणा आउगस्स कदलीघादो उप्पज्जदि । पुणो असादस्स उदीरणेण सामण्णदुक्खसरूवेण मंद-मंदतमादिसंकिलेसाविणाभाविणा तिव्व (मंद)-मंदतमादिउदीरणा होति । पुणो सादस्स उदीरणाए सुहसरूवाए मंदमंदतमविसोहीए मंद-मंदतमउदीरणाओ होति । पुणो अप्पामत्तादीणं तिव्वविसोहीए तदो चेव कारणादो णिम्मूलउदीरणा गट्ठा । पुणो
आहारदंसणेण य तस्सुवजोगेण ओव (म) कोट्ठाए। सादिदरुदीरणाए हवदि दु आहारसण्णा य ।। ४ ॥ [ गो. जी. १३४ ]