Shatkhandagama Pustak 15

Author(s): Bhutbali, Hiralal Jain, Fulchandra Jain Shastri, Balchandra Shastri
Publisher: Jain Sanskruti Samrakshak Sangh Solapur

Page 431

५८ )
परिशिष्ट
तं कथं ? घादिकम्माणि दुविधाणि होति देसघादि सव्वधादि त्ति । तत्थ लता-दारुअट्टिसेलसमाणप्फद्दयाणि सव्वाणि वा लता-दारुसमाणस्सणंतिमभागाणि वा जेसिमत्थि तेसिं देसघादि त्ति सण्णा । जेसिं दारुगसमाणस्साणंतिमभागप्पहुडि उवरिमप्फद्दयाणि अस्थि तेसिं सव्वघादि त्ति सण्णा । एदाणं लदादिसव्वफद्दयाणि आदिवग्गण्णप्पहुडिसव्वफद्दयाणं आदि (अवि)भागपलिच्छेदसंखाए पुवुत्ते उत्तर ( ? ) सदमेत्ताणं अघादिपयडीणमादि (मवि) भागपलिच्छेदसंखा समाणा होंति, ण गुणणे त्ति उत्तं होदि । जहा तुलाए तोलिज्जमाणदव्वावसेस व ।
" (पृ० १७२ ) पुणो पच्चयपरूवणाए तिविहपच्चया होंति परिणामपच्चया भवपच्चया तदुभपच्चया चेदि । तत्थ चउदालपयडीणं अणुभागुदीरणट्ठाणाणं वड्ढि-हाणीए केसि केसि चापुवपयडीणमुदयस्सुप्पादणे उप्पण्णपयडीणं अणुभागुदीरणवड्ढि-हाणीए केसि पयडीणं अवट्ठिदाणुभागुदीरणाए च कारणभूदाणि जादिकम्मोदयसव्वपेवखाणि मिच्छत्तासंजम-कसायजणिदपरिणाम (मा) सरागसंजमपरिणामा वीदरागपरिणामा च परिणामपच्चया णाम । एदेहि परिणामेहि जदि (जाओ) उदीरिज्जति ताओ परिणामपच्चइयाओ । ४४ । । पुणो बावण्णपयडीणं अणुभागाणं वड्ढि-हाणीए कारणभूदसामण्णभवा णारय-तिरिय-मणुस-देवभवेसु णियमिदेग-दो वा भवा परिणामसव्वपेक्खा वा असव्वपेक्खा वा जाणि ताणि भवपच्चइयाणि होति । पुणो बावण्णपयडीणं कहिं कहिं अणुभागाणं वड्ढि-हाणिउदीरणाए भवाणि चेव कारणाणि होति, कहिं कहिं परिणामाणि कारणाणि जाणि ताणि तदुभयपच्चया। एदाणं सब्भावं गंथस्सुवरि वत्तव्वं ।
(पृ० १७४ ) पुणो द्वाणपरूवणदाए चउढाण-तिट्ठाण-बिट्ठाण-एगट्ठाणुदीरणपयडीणं संखा णव होति । पुणो चउट्ठाण-तिट्ठाण-बिट्ठाणुदीरणपयडीणं संखा चउणउदी होति । बिट्ठाणेगट्ठाणुदीरणपयडीओ दस संखा होति । बिट्ठाणुदीरणपयडीणं संखा चउतीसाणि होति । एगा चउट्ठाणिया । एदेसिमत्थो सुगमो। णवरि
चक्खुदंसण-अचक्खुदंसणाणमुदयो जस्स वि एक्कमक्खरमत्थि तस्स णियमा एगठ्ठाणिया उदीरणा । पृ० १७५.
त्ति उत्ते एदस्सत्थो- चक्खु-वचक्खुदंसणाणमुदएण खओवसमेण वा उवजोगो जस्स पयत्तापमत्तादीणं एगक्खरसंबंधियो जइ संपुण्णमत्थि तस्स जीवस्स एदेसिमुदीरणा एगट्ठाणिया होति, ण इदरेसु। कथमेदं णव्वदे ? ण, भवणवासियदेवाणं जहण्णाप्पबहुगम्मि बिट्ठाणियसम्मत्ताणुभागादो चक्खु-वचक्खुदंसणावरणाणुभागमणंतगुणा त्ति उत्तत्तादो ।
(पृ० १७६ ) पुणो सामित्तं सुगमं।
( पृ० १९१ ) एगजीवकालपरूवणं पि सुगमं । णवरि जहण्णाणुभागोदीरणकालपरूवणाए (पृ० १९४.) णिहा-पयलाणं जह० एगसमयो त्ति उत्तं। कथं ? एत्थुवसमसेढीए एदेसिमुदयो अत्थित्ताभिप्पाएण उवसंतकसाए एगसमयमुदीरिय बिदियसमए देवलोयं गयस्स होदि त्ति । पुणो उक्कस्संतोमुहुत्तं । कुदो? परिणामपच्चइयाणमेदेसिं अवट्ठिदपरिणामेणुवसंतकसाएणुद्दिट्टत्तादो।