Shatkhandagama Pustak 15

Author(s): Bhutbali, Hiralal Jain, Fulchandra Jain Shastri, Balchandra Shastri
Publisher: Jain Sanskruti Samrakshak Sangh Solapur

Page 469

(९६)
परिशिष्ट
(पृ० ३२०) पुणो अपन्चकवाणावरणप्पडि भयोदय त्ति ताव परुवणा सुगमा, ओघकारणात्तादो। तत्तो सोगं विसे । हस्सं विसेसा० । पृ० ३२०.
कथं हस्सादो पयडिविसेसेणभहियं सोगो एत्थ तत्ती हीणं जादं ? ण, सोगमुप्पण्गपढमसमए हस्सस्स थिउक्क संकमदव्वं पलि(डि)च्छिय जहणं जादं, हस्सं पुणी तत्ती अंतोमुहुत्तं गंतूण णवकबंधगोउच्छं खविदकम्मंसियणिसेयविसेसादी असंखेजगुणत्तेण सहगदसोग(ग) थिउक्क संकमेण परिणामविसेसेणु दारिददव्वेण सह जहण्णं जादत्तादो विसेसाहियं जादं । कुदो ? विसेसेण जादहियवादी एदेण सरूवेहियदत्वमसंखे० गुणमिदि ।
अरदी विसेसा० । रदी विसेसा० । पृ० ३२०. एत्थ वि कारणं पुत्वं व वत्तव्वं ।
पुणो एत्थो उवरि (एत्थोवरि) णqसयवेदगप्पहुडि जाव असादवेदणिय त्ति ताव सुगमं ।
तत्तो सादावेदणीयं विसेसा० । पृ० ३२०.
कथं असादत्तादो संखेजगुणहीणसंतस्स सादावेदणीयस्स विसेसाहियत्तं ? ण, एत्थ वि तत्तु(त्थुप्पण्णंतोमुहुत्तकालेण सादावेदणीयमुदयं होदि त्ति हस्स-सोगाणं व पर्याडविसेसाहियदव्वादो बंधगोउच्छदव्वं असंखेज गुणमिदि कारणसंभवादो। पुणो सूचिदपयडीगमप्पाबहुगं जाणिय वत्तव्वं ।
(पृ० ३२०) पुणो तिरिक्खगदीए जहण्णपदेसुदयस्सप्पाबहुगं भण्गमाणे मिच्छत्तप्पटुडि जाव केवलणाणावरणे त्ति ताव सुगमं । कुदो ? ओघकारणाणमेत्त (त्थ) वि संभवादो । गरि अर्णताणुबंधीणं दुप्पयारं(र)परूवणाए तत्थ आयाणुसारी वयो ण होदि त्ति अभिप्पापण तिपलिदोवमआउगतिरिक्खस्स सम्मत्तं पडिवण्णस्स अंते अंतोमुहुत्तकालसेस(से)मिच्छत्तं गदस्स जहणं होदि त्ति वत्तव्वं ।
पुणो पचला विसेसा० । णिद्दा विसेसा० । पचलापचला विसेसा० । णिहाणिहा विसेसा० । थीणगिद्धी विसेसाहिया। पृ० ३२१.
सुगममेदाणि । कुदो ? वुच्चदे- ओम्मि णिद्दा-पयलाणं अपुवकरणम्मि थोणगिद्धितियादो आगदगुणसंकमदव्वस्स भागहारं पगदिविसेसागमणिमित्तभूद(दं) पलिदोवमस्स असंखे. जदिभागादो हीणमेत्ताहिप्पारण उत्तं । प्रस्थ पुण पयडिविसेसभागहारादो असंखेजगुणाभिप्पाएण विवक्खिदमिदि पयडिविसेसेण अहियं होदि त्ति ।
केवलदसणावरणं विसेसाहियं । पृ. ३२१.
कुदो ? सुहुमसांपराइयम्मि एदस्सुवरि आगदगुणसंकमदव्वस्स भागहारादो पगदिविसेसागमणणिमित्तभूदपलिदोवमस्स असंखेजभागमसंखेजमिदि भागहारगदविसेसावेक्वाए विसेसाहियं होदि त्ति । पुणो सेससव्व किरियं पुव्वं व वत्तव्वं ।
पुणो एत्तो उवरि जाव सादासादे त्ति ताव सुगमं । कुदो ? किंचिविसेसाणुविद्धकारणाणि पुव्वुत्तकारणेहि समाणत्तादो । पुणो सूचिदपयडीणं पि जाणिय वत्तव्वं ।