Sambodhi 2001 Vol 24

Author(s): Jitendra B Shah, K M Patel
Publisher: L D Indology Ahmedabad

Page 121

116
SAMBODHI
.
संपादक : आचार्य विजय धर्मधुरंधरसूरिजी म.सा.
॥ श्रीपार्श्वनाथस्तवनम् ॥२३॥ (उपजाति) कलावपि श्रीकलिकुण्डमन्त्रयन्त्रप्रयोगाः प्रकटप्रभावाः ।। स्फुरन्ति यद्ध्यानबलेन पुंसां, श्रीपार्श्वनाथं तमहं नमामि ॥१॥ . यस्मिन् मनोन्तःस्फुरति प्रदीपोपमे तमोध्वंसिनि सदृशां स्यात् । चिन्तामणिस्फूर्तिमयस्फुटैव, श्रीपार्श्वनाथं तमहं नमामि ॥२॥ मन्त्राधिराजाक्षरसङ्गचङ्गं यं ध्यायतां षड्दलपद्ममध्ये । पुंसां वशे स्युर्विजयाजयाद्याः, श्रीपार्श्वनाथं तमहं नमामि ॥३॥ नागेन्द्रपद्मा तव पादपद्महत्पद्मगो यत्र भवत्यवश्यम् । लोकस्त्रिलोकी विजयाजयाद्याः, श्रीपार्श्वनाथं तमहं नमामि ॥४॥ अन्येऽपि विद्यामणिमन्त्रयन्त्रा जने मनोवाञ्छितसिद्धयश्च । यन्नाममन्त्रस्मृतिमात्रतोऽपि, श्रीपार्श्वनाथं तमहं नमामि ॥५॥
॥ इति श्रीपार्श्वनाथस्तवनम् ॥२३॥
॥ श्रीमहावीरस्तवः ॥२४॥ (उपजाति) किकिल्लिसत्पल्लवमण्डपान्तसिंहासनासीनमहीनभासम् । . छत्रत्रयीचामरचारुशोभं, धर्म दिशन्तं प्रणमामि वीरम् ॥१॥ ये देशनासद्मनि रत्नशालविशालशालासु सभासु भव्याः । . विलोकयन्ति स्म चतुर्मुख त्वां, नरामरा देव ! त एव धन्याः ॥२॥ . द्वितीयशाले मिलितास्तिरश्चां गणा कणेहत्य तवैकवाणीम् । पपुः परां ये परिमुक्तवैरास्ते श्लाघनीया न जिनेश ! कस्य ? ॥३॥ शाले तृतीये तव शालनाट्यशालासु नाट्यानि मनोहराणि । विस्तारयन्तस्तव देव ! सेवाहेवाकिनो नाकिनरोऽपि धन्याः ॥४॥ इति त्रिशालस्थितितोरणादिशोभाद्भुतं सद्म सुदेशनाय । आलोकि लोकैस्तव यैर्जिनेन्द्र ! तेषां कृतार्थी च विलोकनश्रीः ।।५।।
॥ इति श्रीमहावीरस्तवः ॥२४॥ ॥ इति चतुर्विंशतिजिनानां स्तवनानि पूर्णानि ॥