Sambodhi 2001 Vol 24

Author(s): Jitendra B Shah, K M Patel
Publisher: L D Indology Ahmedabad

Page 132

Vol. XXIV, 2001
गण्डस्स कहाणयं
127 अवि य
हा हा ! सो कत्थ गओ, जो भन्नइ निग्घिण्णो जमालो ।
लोए किं पवसिओ अणज्जो जो न हड़ जीवियं मज्झ ॥ चितिऊण भणियं फलीसरेण-जह एयाण तह तुज्झ वि धम्माहिगरणा आचारो देमि । पभाए चत्तारि वि जणा पयट्टा नयरं । दिटुं धम्माहिगरणं, आचारो पयट्टो, जंपंति परिवाडीए । ईसरेण भणियं-एएण फलीसरेण मम संताया बइल्ला लेईया न अप्पेइ । सो पुच्छिओ-केण कारणे मए लईयाहियं जहट्ठियं सो पडिवुत्तो-किं न अप्पेहि फलीसरेण ? कहियं-देव ! चोरेण अवहरिया । एएण वरमित्तेण अणुकंपाए सिणेहेण अकयपुन्नस्स, दालिद्दियस्स अप्पिया मज्झ । दिणे दिणे कम्म करेऊण एयस्स घरे अक्खेऊण मिल्लेमो गवट्ठीए ।
अन्नम्मि दिणे भोयणवेलाए दक्खविऊण मुक्का, अच्छीहिं दिट्ठा न किं पि जंपियं । एएण तहिं पि दिणे चोरेण हरिया । धम्माहिगरणेहि भणियं-अहो ! तुमे दिवा ते बइल्ला मुच्चंता ? तेण भणियं-दिट्ठा, अहो फलीसर ! देहि बइल्ला दव त्ति तुज्झ वि अच्छीणि कड्डिज्जति । ईसरेण भणियंहोउ मज्झ बइल्लेहिं सरियं नासरीऊण गओ पुरओ, बूल्लाविओ आसवा । भो ! जंपियं तेण, देव ! मह संति आसो मारिओ एएण । सो पुच्छिओ कहं तेण मारिओ आसो ? फलीसरो भणइ-अम्हे वि दो वि जणा बइल्लसंववहारेण जाव आगच्छामो ताव एसो इत्थेव नयरे आसो पहाविओ एएण । भणियं-अहो पल्लाण आसं मए पिल्लिओ न रहइ-पुणो वि भणियं-एएण लउडेण हणाहि । मया खित्तो सो मम्मप्पएसे लग्गो मओ आसो । अहं च धरियं एएण नयर-समीवे । भणिओ तुज्झ वि आचारो देमि । पडिवन्नं एएण, ताव वियालो वट्टइ, नयरदाराइं ढक्कियाई, नगरस्स बाहिं वडपायवस्स हिट्ठि वसिऊण इहागया । देवं भणियं कारणीएण-अहो फलीसर ! देहि एयस्स आसो तुज्झ वि जाहात्थिज्जइ आसवालेण भणियं-होउ मज्झ विसरियं आसेण । नीसरिउं २ गओ । तइओ पुच्छिओकहेहिं वुत्तंत्तो ? एएण पावकम्मेण मज्झ महिला गुठ्विणी वडपायस्स हिढे सुहसंथारगयसुत्ता पिढेंसे फोडियं मारिया एएण वइरिएण । तओ भणिओ फलीसरो । कहेहि जं जहावत्तं । देव ! सच्चं मारिया मए खट्टिकेणं नरयगामिणं निविन्नो लिट्टइ मित्तेण सह ववहारो जं च मारिओ आसो । एवं च चिंतयंतोअन्नं च देव !
सक्का सीहस्स वणे पलाईओ हथिणो य मत्तस्स ।
सुकयस्स य भण कत्थ पलाइओ सक्का ॥१॥ तो अकयपुन्नो न याणामि धम्माहिगरणे किं भविस्सइ एव वडपायवे चयामि जीवियं चडिओ वडपायवे पुत्तेण दिन्नो गले पासओ तं च पुत्तयं तुट्टिऊण पडिओ एयस्स भंडिए भारिया उवरि मया रंडतं वराई । अहं न मओ बहुदुक्खपिक्खिओ बहुजणसंतावकारओ निलक्खणो कि जीविएण मज्झ । सोऊण