Sambodhi 2001 Vol 24

Author(s): Jitendra B Shah, K M Patel
Publisher: L D Indology Ahmedabad

Page 135

130 जितेन्द्र शाह
SAMBODHI याणामि । किंचि कुविओ राया भणइ-अहो मारेह लहुं, सूलाए भिंदह दुराया रोसो सावगो संवेगमावन्नो चिंतेइ-अहो ! पिच्छह संसारसहावो,
अन्नेण कयं पावं अन्नेण वेई नरा, वरा हुँति । कह रुसामि अहन्नो पुवज्जियकम्मदोसेणं ॥१॥ पाओअदओ मणुयभवो न कओ लभ्रूण जिणवरो धम्मो ।
न वेइओसि अप्पा इंदिय दुईतदोसेणं ॥२॥ किं बहुणा मरणकयवत्थो नयरमज्झेण निज्जए वज्झो वेढिओ नयरजणेणं । नीओ मसाणे । चितेइ हियएणं-जई छुट्टिसु एयाओ आवयाओ तं गिण्हसु महव्वए पंच । सूलाए सो ढोईओ भणिओ य खट्टिकेणंसुमराहि इट्ठदेवयं, तओ पुढे सावगेणं धीरमइणा । - भो भो देवयाओ जिणसासणरयाओ, साहम्मियवच्छलाओ, गुणदोष-वियारणरयाओ ! निसुणेहि मह वयणं-एसा वियाणवेला वट्टइ जइ अम्हं. एयस्स कम्मकारिता तुमे चेव जाणह । एवं काऊण पंचनमुक्कारं । तओ आरूढो सूलाए. । सो सूला सच्चवाइस्स न परहवइ अहा संनिहिया य देवयाए नगरजणस्स पिच्छमाणस्स पउमासणं वीरइयं । तं पिच्छस्सं अच्छरियं जायं । जय जय सद्दो कओ नायरजणाणं । उद्धसियरोमकुवो, भणइ अहो ! सच्चवाइत्तं, तं दट्ठण सो नरवई उवसंतो खमइ, खमसु सव्वं महासत्तं । जं वित्थइओ अयाणमाणेणं ता तुब्भ जइधम्मो सक्कारेमि । अहो ! महासत्त ! चडाविओ हत्थि खंधे । धरियं उदंडपुंडरियं छत्तं, पडहय जय जय सद्देण महाविभूए । पेसि नयरीए राइणा पुइओ सक्कारिओ खामिओ य गओ सगिहं । वेरग्गमुवगओ धम्मघोसायरियसमीवे पव्वईयो ।
ता पुन य एए गुणा अचोरियाए हवंति इहलोए वि । तं सोऊण ताहि भणियं-भयवं ! अम्ह वि नियमो देह चोरियाए जावज्जिवं पि । दिन्नो साहुणा पडिच्छिओ ताहिं विणयेणं । तओ गंडेण चिंतियंमज्झ' पोसगंयं ए जं नियमो दिनो चोरियाए । ता तिन्नि सयाणि कस्सपहाराणि न देमि दुन्नि पुणो दाहामि ।
एवं तुम्ह को अच्छइ सुणतो जे दोसो परदारगमणे कहेमि ते पुत्तय ! निसामेह।
तेणं कालेणं तेणं समयेणं हत्थिणारं नाम नयरं । तत्थ वसुदत्तो नाम इब्भपुत्तो । वसुमई नाम तस्स भज्जा । सा गुव्वणी, पढम गुव्वेणं गब्भेणं वसुदत्तो दिगु जत्ताए गओ । वसुमई अच्छइ सुहेण गब्धं पालंती । पडिपुन्नेहिं दिवसेहिं पसूया दारिया जाया ।
सयणेहिं जायकम्मं कयं । संवड्डिया य कमेणं जुव्वणं पत्ता । तहिं चिय न एइ वसुदत्तो । सा पिच्छियेण दिन्ना महुराए वणिगपुत्तस्स । पच्छा पाणिग्गहणं कयं । नीया य ससुरकुले । एवं वच्चइ कालो।
वसुदत्तो य गरुयभंडं भरिएहिं जाणवत्तेहिं आगओ महुरा मझेणं । आवासिओ धूवाए घरे, न याणेति परप्परं किंचि संबंधं तेहिं । पाहुण्णत्तिओ ववहारो काऊण मज्जिओ जिमिओ जहिच्छाए । सा पासिऊण बाला जुव्वणी रूववई वसुदत्तो असुह-कम्मोदयेण तेहिं उ धुवाए उवरि आवज्जिया हावभावेहि।