Sambodhi 2001 Vol 24

Author(s): Jitendra B Shah, K M Patel
Publisher: L D Indology Ahmedabad

Page 133

128 जितेन्द्र शाह
SAMBODHI कारणिएहिं भणियं-अहो अहो ! पिच्छह कम्म परिणामो किंतु सच्चवाई फलीसरो । भणइ-अहो भंडइ ! एवं मारिया जह एसो कहेइ ? भंडेण भणियं-एवं मारिया । तओ भंडो भणियं-अहो जइ एवं तो वडपायवस्स हिटे फलीसरो सुवेइ तुम्ह वडपायवे चडिऊण कुट्टपासयं देहि, जइ उवरि पडिओ फलीसरस्स तो मरिस्सइ । भणियं तेहि-अहो विसमागइ न याणामि किं भविस्सइ त्ति । होउ मज्झ समरियं महिलाए, गओ नीसरिऊण ससंतो तुरियं । छुट्टो फलीसरी त्ति । तिण्ह वि जणाए थुइओ धम्माहिगरणेण य निसरिओ गओ स गिहं ।
नायपुत्तय ! एए गुणा सच्चवाइस्स । तओ भणियं गंडपतीहिं-अम्हाणं पि भयव ! नियमो देहि अलियवयणस्स, तओ दिन्नो नियमो । सव्वाहि वि पडिच्छियं विणयसारं । इत्थंतरम्मि चिंतियं तेण गंडेणजहा पंचसयाणि कसपहाराणि पाडेसु तं दोसयाणि मुक्काणि । तिन्नि पुण पाडेसु । सुट्ट कयं जं दिन्नो नियमो अलीयवयणस्स ॥छ।
सो वि मुनिवरो पुणो वि कहेइ अक्खाणयं । सुणेह धम्मसीलाओ ! परधणं न घितव्वं । घरे वा रत्थे वा नगरे वा पंथे वा अडविं वा कहिं वि पडियं न घितव्वं । परधणहरणा गवेसमाणस्स जे दोसा ते निसामेह एगग्ग मणा
तेणं कालेणं तेणं समएणं उज्जेणी नाम नयरी । बहुजणधणसमिद्धा । बहुजणवयसमाउला । तहिं च सागरदत्तो नाम वाणियगो । तस्स भज्जा सोमसिरी नामा, सा दारय पसूया। सो दारओ निल्लक्खणो मूलनक्खत्ते जाओ । सत्त दिवसाण मज्झे तस्स पिया मओ अकयपुनस्स । तओ सोमसिरी रोवेइ वराई ।
हा नाह ! देववच्छल ! कह मुक्का सामि बंधवविहुणा । .
कलुणं च रोवमाणी उग्गाविया अन्ननारीहिं ॥१॥ इत्थ य तं बालं सुहेण दियहाइ पालंती जाव गया दस दिवसा । पसूयाए एगारसमे दिवसे। नामं कयं थावरगुत्ति । सोमसिरीए एवं जाइ से कालो वाणयाए सो अट्ठ वारिसिओ जाओ । लेहसालाए ढोइओ न पढेइ अकयपुनो । दिणे दिणे नगरस्स बाहिं रेवानई, तेहिं च अभिरमइ ।
सो अन्नदिणे गब्भरूवेहिं णिल्लउ पयट्टो नयरीए हट्टमझेण । तहिं च तिलरासीए । आहुडिओ पाणियओल्लेण सरीरेण तिलगुंडीएण सरीरेण सहसत्तिओ पडिओ । उढेऊण पलाणो गओ सगिहं जणणीसमीवे । दिट्ठा य सोमसिरीए तिलेहिं खरमीओ पक्खोडिओ हत्थेहिं तिलाण पसए भरिया ताहे हत्थे दिन्ना खद्धा थावरएण । सो पलक्को पावकम्मो । दिणे दिणे उल्लसरीरं काऊण तिलाण उवरि लोट्टिऊण एइ । तिलाण लुद्धो माया से न निवारेइ । जंतेण कालेण खत्तहाणो जाओ । खत्ताइ खणेइ हाहातूउअवेयणो । अन्नया कयाई खत्तं खणिऊण पविट्ठो दंडवासिएण रोहिओ । नीओ नरवइसगासे । बंधाविओ घत्तिओ जाणसालाए, पत्ती पहाया आढत्तो मारेऊ रत्तंदणविलत्तो रत्तकणवीरपुष्फमालाए । ओमालिओ डमरुगेण वज्जमाणेणं नगरस्स मज्झेण नीओ मसाणभूमीए सूला खंधे से कया । आढत्ते मारेउ जाव पडिबुल्लेइ