Sambodhi 2001 Vol 24

Author(s): Jitendra B Shah, K M Patel
Publisher: L D Indology Ahmedabad

Page 123

118
जितेन्द्र शाह
गण्डस्स कहाणयं
॥ ॐ नमः सिद्धं ॥
नमिऊण जिणवरिंद, सिवादेवीनंदणं महासत्तं । सासय- सुक्खनिहाणं, सिद्धिपुरीए तहा पत्तं ॥ १ ॥ तयणंतरेण सिद्धे, आयरियसुयहरे उवज्झाए । साहुबहुगुण-पुन्ने, मणि-कंचण- लिट्टू-तणु-सरिसे ॥२॥
वडवद्दं भरुयच्छं, दाहिण - महुरा तहेव कोसंबी । नासिक्कं उज्जेणी गंडस्स कहाणया पंच ॥३॥
जह कहियाणिहलोए, पुव्वरुसीहिं महाणुभावेहिं । गंडस्सउ अक्खाणे, वच्छामि अहाणुपुव्वी ॥४॥
तेणं कालेणं, तेणं समएणं, कोसंबी नाम नयरी, अह सा य केरिसा - उज्जाण-वण-काण सरवरेहिं नाणाविह-पत्त-फुल्लभरिएहिं,' हंस-चकोर - मउर - कारंडय - चक्कवालेहिं बहुनेवत्थं नियत्थेहि, जुवईजुवाणेहिं चंकमंतेहिं सोहिया । ताहे नगरस्स बाहिं, गो-महिस समाउलं - रम्मा, अन्नं च नयरीए-नत्थि घरे दालिद्दं । नत्थि घरं जत्थ ऊसवो नत्थि, नत्थि घरं वावी - विरहियं, नत्थि वावी सलिल - विरहिया, नत्थि सलिलं कमल-विरहियं, नत्थि कमलं भमर - विरहियं, नत्थि भमरो सहयारे विरहिया, नवरि य इक्कु च्चिय दोसो, जं धवलहरं पंडरीएहिं भवणेहिं न दीसए चंदो ।
पागारगोपुरऽट्टालएहिं, पडागं धय - तोरणनिविट्ठेहिं देउलेहिं सिहरविलग्गेहि अई - सोहिया रम्मा, गय-गुलुगुल्लितेहिं रहज्झणझणेहिं, तुरया हिंसियरवेणं, नयरीए निग्घोसो, नवरं फुट्ट अंबरं सयलं । तत्थ वि य सासयाणि । अवरं च-सयलाणि संठितिसयाई, नवचच्चराई, बावत्तरि चउक्काई, रत्थासयसमीहिया कोसंबी पुरवरी । तर्हि च नयरीए अरिमद्दणो नाम राया । अणेयगुणगणालंकिओ महासत्तो | केरिसा तस्स गुणा
SAMBODHI
अधाणं देइ धणं, सधणाणं पालणं सया कुणइ । चिरपविसिय भत्तूण य, अबंधवाणं सुबंधवो राया ॥१॥ भत्ती कुणइ जईणं, वच्छल्लं कुणइ सव्वलोयाणं । चिंतामणि भद्दाणं, थरथरउ अन्नरायाणं ॥२॥