Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
૧૯-૫-૭૪) ઉપર લખ્યો મહર્ષિ જેવો અનુભવ સારી રીતે થયો. મારા કેટલાક પ્રશ્નના ઉત્તર ગુરુદેવનાં સવાર-સાંજના પ્રવચનોમાંથી મળી રહેતા એને જો મહર્ષિ જેવો અનુભવ કહેવો હોય તો કહી શકાય. એક પ્રવચન તો જાણે મારા માટે જ – મારા પ્રશ્ન અને ગૂંચ - જાણ્યા વગર જ.-ગુરુદેવે કર્યું હોય તેમ લાગ્યું. આ આખુંય પ્રવચન વિશ્વમયતા, તેની મર્યાદા અને દંપતીજીવન સાથે તેના અનુબંધ અંગેનું હતું. એટલે ઉપરના અનુભવ અને ભાષા અને ભાવનાથી થોડા અણધારી અને ગુરુદેવની મહત્તા - મહર્ષિ માફક – બતાવવી હોય તો ખુશીથી થઈ શકે તેવું છે. નિરીક્ષણે એમ પણ લાગે છે કે, ગુરુદેવ જેવી ત્રિગુણાતીતની ભૂમિકાથી પણ આગળ વધેલી વિભૂતિ માટે, બીજાના મનની વાત જાણવી કે મૌન રહી સમાધાન કરવું તે આસાન છે. એ આશ્ચર્ય નથી કે નથી ચમત્કાર. ઉચ્ચ ભૂમિકાનું સહજ પરિણામ-ફલશ્રુતિ છે. અગાઉ પણ આવું છૂટક અનુભવ્યું છે.
પૂના, તા. 30-574 5.30 PM. ફંડફાળા માટે ધક્કા ખાવાથી ધર્મક્રાંતિને ધક્કો પહોંચશે
ભાલ નળકાંઠાની છેલ્લા દિવસની (૧૦-પ-૭૪) શુક્રવારે મોડી રાત સુધીની મિટિંગે ગુરુદેવનું ઊંડું મંથન કરાવ્યું. તે દિવસે રાત્રે મિટિંગમાં ગુરુદેવને – ફંડફાળા કરી રાહતકાર્યોમાં, સંઘ બીજા માફક ધનની અસરમાં ખેંચાતો જણાતાં એક વાર તો આ શબ્દો બોલવા પડ્યા કે, “પાયાના કાર્યકરોએ ફંડ માટે પછી તે ચક્ષુદાનયજ્ઞ માટે પણ કાં ના હોય - વારંવાર લોકો પાસે જવું યોગ્ય નથી, તેથી તેઓનું - કાર્યકરોનું - તેજ ઘટતું જશે, પરિણામે વિચારક્રાંતિ કે ધર્મક્રાંતિના આપણા મૂળભૂત કામને ધક્કો પહોંચશે. હવે લોકો સંઘને ઇચ્છતા હોય તો વાંધો નથી. પછી “ૐ શાંતિ” (એટલે કે સંઘ સમેટી લેવો તે જ એક માર્ગ) કરવી એ જ માર્ગ બાકી રહે છે; આમ થશે તો મને દુઃખ નહીં થાય. બાકી સંઘની silver Jubilee (રજત મહોત્સવો ઉજવવા માટે કે બીજાં આવાં કારણોસર ફંડ-ફાળા માટે વારંવાર લોકો પાસે જવું ઇષ્ટ નથી.” આ શબ્દો બોલવા પાછળ ગુરુદેવને કેટલી વ્યથા અને ઘેરા મંથન હતાં તે મિટિંગમાં તો પૂરો ખ્યાલ ન આવ્યો પણ બીજે દિવસે ૧૧-૫-૭૪ના ગુરુદેવ કદી સૂવે નહિ અને 9.00 A.M. સૂઈ ગયા, તેનું કારણ મેં પૂછ્યું કે, ગઈ કાલે રાતે આપને-સંઘના બધા સભ્યો વહેલી સવારે 3.00 A.M. ઊઠીને રવાના થવાના હતા - બરાબર ઊંઘ થઈ ન થઈ કે શરીરમાં કાંઈ કસર લાગે છે ?
શ્રી સદ્ગુરુ સંગે : વિશ્વને પંથે
