Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
૧૦૬
પણ મહત્ત્વ આપવું એ ઠીક નથી. આવી નાની મોટી ઘટનાઓ તો આવવાની ને બનવાની. અગ્નિપરીક્ષાઓ પણ થવાની અને જવાની મૂળે તો સ્વચ્છેદ અને અભિમાન કાઢવાની જ વાત પર જોર આપવાનું છે. કારણ કે વ્યક્તિત્વને વિશ્વમયતામાં ઓગાળવાની મુખ્ય વાત જ લક્ષમાં રાખી આગળ ચાલવાનું
- સંતબાલ
તા. 28-5-76 પુરુષાર્થ એટલે શું ? “પુરુષ'નો એક અર્થ આત્મા' છે. સાચો પુરુષાર્થ એટલે આત્માની શોધ. “વિચાર” એ આત્માનું કિરણ છે.
પડી ટેવ તે તો ટળે કેમ ટાળી?' એ કહેવતમાં તથ્ય નથી એમ નહીં કહી શકાય. પરંતુ ઉપાય છે જ. પછી એ ક્રોધ હોય, કામ હોય કે અભિમાન અથવા છળકપટ કે લોભ હોય એ બધી કુટેવો પલટી શકાય છે. માટે તો કહ્યું છે કે, “માનવ ધારે તે કરી શકે પણ એને માટે પુરુષાર્થ જોઈએ. એ પુરુષાર્થની સાથે ઈશ્વરકૃપા-ગુરુકૃપા પણ જોઈએ.
- હવે પુરુષાર્થ એટલે શું? એ પ્રશ્ન થશે. પુરુષનો એક અર્થ આત્મા પણ છે. પુરુષને માટે એ થયો પાકો પુરુષાર્થ, મતલબ કે સાચો પુરુષાર્થ તો આત્માની શોધ છે. શરીરરૂપી પૂરમાં રહે તે પુરુષ. આવો પુરુષ આત્મા સિવાય બીજો ન હોઈ શકે અને એથી જ આત્મસાક્ષાત્કાર વિચારથી થઈ શકે. મેં ઘણીવાર કહ્યું છે કે, વિચાર અને વિકલ્પ વચ્ચે ફેર છે. વિચાર એક અર્થમાં આત્મકિરણ છે. જ્યારે વિકલ્પ મનની વસ્તુ છે.
- સંતબાલ
તા. 18-5-75
ગેબી શક્તિઓનો અનુભવી વિવશ થતો નથી.
તા. ૧૬-૫-૭૬ના “સંદેશ' સાપ્તાહિકમાં ધીરેન શ્રેષ્ઠ લખે છે, “સ્વામી વિવેકાનંદે કહ્યું છે, મન-બુદ્ધિની માન્યતાઓ, વિશ્વાસ કે શ્રદ્ધાનાં કસોટી સમયે કૂરચે-કૂરચા ઊડી જાય છે ! ઈશ્વરનો અથવા આત્મતત્ત્વનો તેને સાક્ષાત્કાર થતો હોય તે જ, સાધક ગમે તે સંજોગોમાં અવિચલ રહી શકે છે. ધીરેન શ્રેષ્ઠ આગળ
શ્રી સદગુરુ સંગે : વિશ્વને પંથે
