Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
૧૩૪ લીધી છે એટલે તમારી જવાબદારી કોઈપણ મૂલ્યાંકનમાં વધી જાય છે. તે જવાબદારી ખ્યાલમાં રાખીને જ “અક્ષરો પાડવા”
સંતબાલ
પૂના, તા. 2-12-76
નવી પેઢીને આગમો સમજાવવાની રીત વિષે કોઈ ભાઈઓ ગુરદેવને મળવા આવેલા અને વાતો ચાલતી હતી. વાતવાતમાં ગુરુદેવ બોલ્યા : “આપણા આગમો સાચાં છે અને એજ, આજની યુવાન પેઢીને રસ પડે અને સમજાય એ જાતની વર્તમાન ભાષામાં કહેવાં જોઈએ. આગમોશાસ્ત્રો-નવી પેઢીને કહેવા-સમજાવવાનાં જ છે. પણ તે બધું આજની ભાષામાં આજની નવી પેઢીને રસ પડે તે રીતે - ઢબથી કહેવાની જરૂર છે. જૂની ઢબે યુવાનો ધર્મની-આગમોની-વાત સાંભળશે નહિ. આગમો ખોટાં નથી, માત્ર તે કહેવાની રીત બદલી યુગાનુરૂપ ભાષા વાપરવી અત્યારે જરૂરી છે. આમ થશે તોજ ધર્મને આગમો ઉપર જૂની (?) (નવી) પેઢીને કાંઈક આકર્ષણ થશે – શ્રદ્ધા બેસશે.” પ્રશ્ન પૂછનાર આગંતુકને ગુરુદેવની આ સ્પષ્ટતાથી સમાધાન થયું.
ઈન્દિરાબેન સાથેની મુલાકાત વિશે
ઈન્દિરાબેન મુંબઈમાં મલે તેથી (કાંઈ) વળે નહીં. પરંતુ પહેલાં ગંદી પ્રયોગ ભૂમિ જએ અને પછી નિરાંતે મને મલે તો કાંઈક વળે. મૂળ તો પંડિતજીની સીધી મુલાકાત ગુજરાત પ્રદેશ કોંગ્રેસને લીધે-ખાસ તો પ્રિય મોરારજીભાઈના પ્રયત્નને લીધે – ભા.ન.પ્રયોગના કિસાનો અને કાર્યકરોના પ્રતિનિધિઓને સન ૧૯૫૬માં થએલી જેનો ઉલ્લેખ એમણે કોંગ્રેસ હાઉસ ભદ્ર આગળની કોંગ્રેસી જનોની રાત્રી સભામાં કરેલો, પણ એ રીતે કે એ પ્રતિનિધિઓની વાત મૌલિક છે પણ “બહુત દૂરકી બાત હૈ”. હા, તે દૂરની ૧૯૫૬ની વાત હવે ઈન્દિરાબહેનને ૧૯૭૬માં જચી જાય તો સારું કારણ કે ભારતે (૧) દેશની સ્વતંત્રતાની રક્ષા, (૨) ભારતીય જનતાના વ્યક્તિ સ્વાતંત્ર્યની અને વિચાર સ્વાતંત્ર્યની રક્ષા અને (૩) દેશની જ નહીં દુનિયાભરની ગરીબી નિવારણની પરિપક્વ દિશા - આ ત્રણેય અહિંસક સાધનો અને સાધન શુદ્ધિના આગ્રહથી સિદ્ધ થઈ શકે.
શ્રી સદ્ગુરુ સંગે : વિશ્વને પંથે
