Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
૨૧૨
ધ્યાનથી થોડીક એકાગ્રતા વધશે તે સાથે અહમ્ પણ વધશે. ષરિપુઓનું જોર ઘટશે નહીં. ક્રમ તો એ છે કે ષરિપુઓ શાંત કરવાની સાધના અને પછી ધ્યાનનો માર્ગ લેવો. આજે ઊલટું ચાલે છે.
ટ
ગોવધબંધી માટે આમરણ ઉપવાસનું ઔચિત્ય
આમરણ અનશન કરવાની શ્રી જ્ઞાનચંદ્રજીની જાહેરાત બધા માટે ચિંતાનો વિષય બની ગઈ હતી. મધ્યસ્થ સરકારે ગોવધ પ્રતિબંધનો કાયદો કરવોજ જોઈએ. તેવો તેઓશ્રીનો આગ્રહ હતો. આ અંગે ગુરુદેવનું મંતવ્ય નીચે મુજબ હતું. ૧. ગાયનો પ્રશ્ન એ સામાજિક, રાષ્ટ્રિય અને એક રીતે સમગ્ર વિશ્વનો છે એટલે આવા વ્યાપક પ્રશ્નમાં આમરણાંત અનશન જેવું આત્યંતિક પગલું ન ભરવું જોઈએ.
૨. સરકાર ઉપર જ આમરણાત અનશનની હદે દબાણ લાવવું બરાબર નહીં ગણાય. વધતે ઓછે અંશે સહુ દોષપાત્ર છે. વળી લોકશાહી સરકાર હોઈ કોઈ એક વ્યક્તિ નિર્ણય કરી શકે એવી સ્થિતિ નથી એટલે લોકમત તૈયાર કરી લોકમતના નૈતિક દબાણથી સરકારને કાનૂન કરવો પડે તે ભૂમિકા પેદા કરવી જોઈએ અને લોકમત તૈયાર કરવા માટે ત્યાગ અને તપનો શુદ્ધિ પ્રયોગ જેવી પ્રક્રિયા અસરકારક બની શકે એટલે ધીરજથી આ પ્રક્રિયા ચલાવવી જોઈએ.
આપણા સ્વામીશ્રી જ્ઞાનચંદ્રજી અંગે તમોને સારો અને પ્રેરક અનુભવ થયો. બંગસાહેબને પણ મીઠો અનુભવ થએલો જાણ્યો. તાજેતરમાં મદાલસાબેનનો પણ એમના ટૂંકા સહવાસ પછીનો સારો પરિચય થયાનો પત્ર છે. ટૂંકમાં નિખાલસતા અને નમ્રતા બન્ને ગુણો એમને સહજ છે જેથી ભૂલ કે ભૂલો થાય તોયે કાં તો નિસર્ગ ચેતવે અને કાં તો સ્વયં વિચારથી - સ્વસૂઝથી પણ ચેતી જાય ગીતામાં આથી કહેવાયું છે કે “નહિ કલ્યાણકૃત કશ્ચિત્ દુર્ગતિમ્ તાત ગતિ.”
ස
શ્રી સદ્ગુરુ સંગે : વિશ્વને પંથે
સંતબાલ
