Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
૧૪૧ તમો બન્ને જણે શ્રદ્ધાળુ રહી આ પ્રમાણે જ્યારે જ્યારે વર્તવાનું કહ્યું છે ત્યારે ત્યારે તમોને તે તે કાર્યોના પરિણામો સુંદરજ ચાખવાનાં મલ્યા છે. આ તમારો જાત અનુભવ છે.
અગર હરદમ તૂ હૈ હાજિર” એ રણાપુરની સ-મૌન એકાન્તવાસની સાધના વખતનું ભજન મીરાબેન ઘણી વાર પ્રાર્થનામાં બોલે છે, તેવું છે. તમોને મુંબઈમાં અમારો વિવિધ સ્થળોમાં નિવાસ રહ્યાં કરતો, એ પરથી જોવા જાણવા કુદરતી રીતે સારી પેઠે મલ્યું. અને તમો પણ એમાં રસભરી રીતે ટેવાયા. ક્યાંક અતિ ઘોંઘાટમાં નીરવતા સાધવી પડી, તો ક્યાંક અતિ એકાંત નીરવતામાંથી ચિંતન રત્નકણિકાઓ શોધવી પડી, ખરુંને? તા. 26-7
સંતબાલ
વિકાસનો પંથ વિકાસનો પંથ અટપટો હોય છે. મધ દરિયે વાવાઝોડું જીવન નૌકાને હચમચાવી મૂકે છે. એ ડૂળ્યા કે ડૂબશું, એમ થાય છે. પણ ત્યારેજ જો સબૂરી પકડાય, શ્રદ્ધાનો કાંટો સ્થિર રહી જાય તો તરત બેડો પાર થાયજ છે. તા. 24-6-17
સંતબાલ
પુરુષાર્થમાં સ્વસ્થતા એકવાર નિશ્ચિતપણે સાધના માર્ગમાં પગ આ (અમુક) સાધક કે સાધિકાએ મૂક્યોજ છે – એવી નિસર્ગને ખાતરી થતાંજ દિનેદિને એક બાજુ તે એક પછી એક આકરી અને કેટલીકવાર એક સાથે અગ્નિ પરીક્ષાઓ આપ્યાં કરે છે, તેમ બીજી બાજુ એક પછી એક તરત અને તરત તે કઠિન સમસ્યાઓ વહેલી વહેલી હલ કરીને જે જિરવાય તો શક્તિનો અપરંપાર ઉમેરો કરાવી અજબ તાજૂબી ઊભી કરી દે છે. આવે વખતે ભલે આપણે એને પુરુષાર્થ કહીએ, પણ મુખ્યત્વે એ પુરુષાર્થ હારમાં - ગુંચવણમાં સ્વસ્થતા અને પ્રસન્નતા કેળવવાની હોય છે. અને જીતમાં છાક ન વધી જાય (જેમ તમે લખ્યું છે, તેમ વાસના કે અહંવૃત્તિ જોર ન કરી જાય) તેવી જાગૃતિ રાખવાની હોય છે. એટલેજ આગળના શ્લોકમાં આવી ગયું ઃ
“પ્રયત્નનું તો પરિણામ માત્ર છે વિશ્વપ્રેમી બનવાનું વા'લા.”
શ્રી સદગુરુ સંગ : વિશ્વને પંથે
