Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
૧૧૬ કોંગ્રેસની શાખા દરેક દેશમાં હોય તો વિશ્વપ્રજાઓનું ઘડતર
ભારતની રીતે થશે કોગ્રેસની શાખા દેશે દેશ ખોલવી જરૂરી છે. રાજકીય બળ નહિ પણ દુનિયાનું પ્રજાકીય બળ ભારતને જરૂરી છે અને તે તો જ મળી શકશે જો ઠેર ઠેર કોંગ્રેસની શાખા દેશદેશ હોય ને પ્રજાકીય ઘડતર ભારતની રીતે વિશ્વપ્રજાઓનું થવા માંડશે. ભારતીય માનવસમાજ હજારો વર્ષો પછી જ બની શક્યોં છે, તે ન ભૂલવું જોઈએ.
શરૂઆતમાં ટકોર ન ગમે, તેમાંય નવાઈ નથી પણ વિચાર ચિંતન કરવાથી ધીરે ધીરે ગમી જાય છે, તે શુભ લક્ષણ છે.
ભાલ નળકાંઠા પ્રાયોગિક સંઘ અંગે તમારું ઊંડું અને સક્રિય વલણ વધતું જશે તેમ તેમ એ અનુસંધાનનું મહામૂલ્ય તમોને સહેજે સમજાઈ જશે.
- સંતબાલા
નિખાલસતાનું પરિણામ તાત્કાલિક સારું ન પણ આવે પણ નિખાલસતાના અભાવે જે ઝેર ભેગું થયું હોય તે નીકળ્યા બાદ
પરિણામ સારાં જરૂર આવે ચિંતન-મનન' આ વખતની ટકોરથી સારી પેઠે થયું. નિખાલસતાનું પરિણામ તત્કાળ તો સારું નહીં દેખાય કારણ કે નિખાલસતા જેવી આવે તેવો જ સામેથી કોઈ ને કોઈ રીતનો અત્યાર સુધી જોઈએ તેટલી નિખાલસતા નહોતી તેનો પ્રત્યાઘાત આવવાનો. એટલે તરત તો એમ જ લાગે કે જો નિખાલસ થયો તો આટલું બધું સહેવાનું આવ્યું પણ આ નિદાન યથાર્થ નથી. જેમ એલોપથી દવાઓનાં ઝેરો કાઢવા પ્રથમ આયુર્વેદ દવાઓ પ્રત્યાઘાતી જણાતી હોય છે પણ એ આયુર્વેદી દવાઓનો દોષ નથી પણ એલોપથીક દવાઓનાં પ્રત્યાઘાત રૂપે શરીરમાં ભરાઈ ગયેલાં ઝેરોનો દોષ છે. તેમ નિખાલસતાનો આ દોષ નથી, આ દોષ તો અત્યાર લગીની જે નિખાલસતાની કમી હતી તેનો છે. આ બધું સમજવું કઠિન છે. તે તો પ્રત્યક્ષ ગુરુની કૃપાથી જ સમજી શકાય.
મૂલ્યો માટે મથનારી સંસ્થા પરનો આક્ષેપ છેવટે વિશ્વચેતના પરનો આક્ષેપ બની શકે છે. કહેનારમાં નિખાલસતા અને નમ્રતા હશે તો એવી ટીકા હાની નહીં કરે
અહીં બીજી વાત પણ અગત્યની સમજવા જેવી છે. વ્યક્તિ પરના
શ્રી સગુરુ સંગે : વિશ્વને પંથે
