Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
પ૮
તા. 26-5-75 ભાલ નળકાંઠા પ્રયોગમાં ખેડૂતો અને સંતો જ સ્થિર રહી શકશે. કાર્યકરોનું ડામાડોળપણું થાય ત્યારે શું કરવું ? તેની સમજણ
આપણો ભાલ નળકાંઠા પ્રયોગ એવી ચીજ છે કે એમાં એકલા કાર્યકરો તો મુત્સદ્દીપણામાં ફસાવાના જ. સંકટો અને પ્રલોભનો પણ તેવા કાર્યકરોને પજવવાના જ. એટલે આપણે ઇચ્છીએ કે ન ઈચ્છીએ, પણ આવું તો બનવાનું. આથી જો સમગ્ર વિશ્વમાનવોથી કામ લેવું હોય તો અખૂટ ધીરજ રાખીએ જ.
ખેડૂતો અને સંતો બે જ અહીં વધુ સ્થિર રહી શકશે. કાર્યકરોનું ડામાડોળપણું થાય ત્યાં કંટાળ્યા વગર એક બાજુ કાર્યકરોને ઉગારી લેવા અને બીજી બાજુ એમના પરનો વિશ્વાસ જાતે ટકાવવો અને સંસ્થાના ઈતર સભ્યોનો પણ કાર્યકરો ઉપરનો વિશ્વાસ ટકાવવા પ્રયત્ન કરવો જ રહ્યો. આમાં કશું અસ્વાભાવિક નથી.
- સંતબાલ
ચિંચણ, તા. 28-5-75
ખોટી રુઢિઓને કાઢવા ગુરુદેવના ઉપવાસ તા. ૨૭-૩-૭૫ના હોળી હતી. પાછલી રાતે ઘેરૈયાઓએ મહાવીરનગરનો વર્ષો જૂનો કલાત્મક અસલ સાગનો આખો દરવાજો કાઢી અને હોળીમાં બાળી નાખ્યો. ગુરુદેવને આ વાતની ખબર પડી, એટલે થોડીવાર ગંભીર થઈ ગયા અને પછી પ્રસન્નતાપૂર્વક આ ઘટના માટે પોતે પાંચ ઉપવાસનો નિર્ણય જાહેર કર્યો. આ જાતના કાર્યમાં અમ સંતોએ તપ કર્યા વિના બીજો માર્ગ પણ શું હોય અમારી પાસે? આ મુખ્ય સૂર ગુરુદેવની વાતનો હતો. ઉપવાસ અંગે કેટલીક નોંધપાત્ર વિગતો : (૧) ઉપવાસ શરૂ કર્યાનો પ્રચાર ઓછો અને ધીમો થાય; કુદરતી રીતે એકબીજા જાણે તે અટકાવવું નહિ એમ ગુરુદેવે સૂચના આપી. (૨) દરવાજો જે લોકોએ બાળ્યો, તેમના પર કોઈ ખોટું દબાણ કરે કે તિરસ્કાર બતાવે નહીં તેની ગુરુદેવે પૂરી કાળજી લીધી. (૩) ઉપવાસ દરમિયાન જૈનો વધુ આવ્યા, મરાઠી ઓછા આવ્યા. (૪) ઉપવાસ દરમિયાન બહેનો વધુ આવી અને ઉપવાસ માટે દુઃખ વધુ પ્રદર્શિત કર્યું. (પ) પુરુષો અને બહેનો પાસે, ઉપવાસ અંગે ગુરુદેવ દિલ ખોલી
શ્રી સદ્ગુરુ સંગે : વિશ્વને પંથે.
