Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
૪
તેમ સંપન્ન વર્ગ સ્વસંપત્તિનો સદુપયોગ કરવો તે જ પાપ-ભારના માર્ગેથી પુણ્યમાર્ગે જવાનું સાધન છે તેવું માનવું. તે આજે નથી મનાતું. તેમાં ભૌતિકવાદનો પ્રભાવ દેખાય છે, તે દૂર કરવા માટે નૈતિક ગ્રામસંગઠનની
જરૂર છે.
(૩) દરેક પ્રવાહમાં રહેવું અને કર્તવ્ય નિશાન ચૂકવું નહીં તે જરૂર છે. આમ કરવાથી વિશ્વમયતાના માર્ગનો આનંદ વધુ મળશે.
- સંતબાલ
પૂના, તા. 26-6-75 અલ્હાબાદ હાઈકોર્ટનો ચુકાદો, ઇન્દિરાજીનો પ્રત્યાઘાત -
વિનોબાજી, જયપ્રકાશજી, મોરારજીભાઈ વ. બાબત
અલ્હાબાદ હાઈકોર્ટના ચુકાદા મુજબ જો ઇન્દિરાએ વડાપ્રધાનપદનું રાજીનામું માનભેર આપ્યું હોત તો આજની કટોકટી ઊભી થાત નહીં. પણ સત્તા કોણ છોડે અને તે પણ ઇન્દિરા ગાંધી ? ગઈ કાલે લખેલા ઉપરના હેડિંગનું લખાણ, આજે over night બદલેલી રાષ્ટ્રની પરિસ્થિતિ, જે ચિંતા ઉપજાવે તેવી છે તેની નોંધ અત્રે લીધા વિના ચાલે તેમ નથી. ભારત સરકારે સારાએ ભારત પર આજે, state of Emergency આંતરિક કારણોસર જાહેર કરી છે. આ અંગે રાષ્ટ્રજોગ વાયુ પ્રવચન આજે સવારે વડાપ્રધાન ઇન્દિરા ગાંધીએ કર્યું. જેમાં ઘણી વાહિયાત વાતો ફરી ફરી કરી. વિરોધ પક્ષના બધા જ નેતાઓને (જે.પી. અને મોરારજી દેસાઈ સહિત) પકડીને, NISA નીચે જેલમાં ધકેલી દેવામાં આવ્યા છે. આઝાદીનાં ૨૭ વર્ષમાં આવું અયોગ્ય પગલું ઇન્દિરા સિવાય કોઈ વડાપ્રધાને ભર્યું નથી. નાલાયક વ્યક્તિ સત્તા પર આવે તો, રાષ્ટ્રને કેટલી હાનિ કરે તેનો હૂબહૂ નમૂનો ઇન્દિરાએ પૂરો પાડ્યો છે, જે ભારતના ઈતિહાસમાં ભારતનું કમભાગ્ય' એ રીતે ભાવિ ઇતિહાસકાર નોંધશે.
ઇન્દિરાએ પોતાની ભ્રષ્ટાચારી રીતિ-નીતિને બમણાં જોરથી અમલમાં મૂકી, અને એ રીતે પોતાનો ડોળ-દંભ ઢાંકવા કમર કસી જણાય છે. આ બાઈ દેશને પાયમાલીની કેટલી ઊંડી ગરતામાં લઈ જશે તે કલ્પી શકાતું નથી.
એક વાત તો પાકે પાયે સમજાય છે કે આ બાઈ સત્તાસ્થાને રહેવાલાયક નથી. કારણ તેના વ્યક્તિગત જીવનથી માંડી જાહેરજીવન સુધીમાં નૈતિકતા કે ધર્મને કોઈ જ સ્થાન નથી, તે ભારતીય સંસ્કૃતિને તદન પ્રતિકૂળ છે. વર્તમાન
શ્રી સદગુર સંગે : વિશ્વને પંથે
