Sadguru Sange Vishwa ne Panthe

Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad

Page 101

આવીને જીવનમાં સગુણ રીતે ઓતપ્રોત થાય છે. ગાંધીજીએ પોતાના વિશાળ ગાંધી-કુટુંબમાં આ સદ્ગુણો સારી પેઠે વિકસાવ્યા, જેથી ઘણો મોટો લાભ થયો.
- સંતબાલ
તા. 21-4-76
ઉતાવળ એ હિંસા છે નોંધપોથીમાં કોઈ વાર તો ચિંતન ઘણું સારું થાય છે, જે વિશ્વમયતાની દિશામાં ઠીક ઉપયોગી થવાનું.
ધીરજના નામે કોઈ વાર ઢીલાશ આવવાનો સંભવ રહે ખરો. ઉતાવળ એ હિંસા છે. એ પણ ગાંધીજીનું વાક્ય ઊંડાણથી વિચારવા જેવું છે.
અત્યાર સુધી મુક્તપણે આપણને નારીપાત્ર સૂચવી શકે એટલું જ નહીં, ટકોરી ટપારી પણ શકે. એ એમને છૂટ ન આપેલ હોવાથી અત્યાર સુધીની આપણી ટેવ પ્રમાણે નારીને બળવા જેવું જ હતું.
નરમ રહેવું, પ્રકૃતિને શાંત રાખવી, વગેરે ચીજો વિશ્વમયતામાં ખૂબ ઉપયોગી થાય છે. અલબત્ત, નબળાઈવાળી નમ્રતાનો કોઈ ખાસ અર્થ નથી. પણ નબળાઈ છે કે વિચારપૂર્વક જતું કરવાની ટેવ છે, તેનો નિર્ણય કરવો ઘટે.
- સંતબાલ
સુખ કરતાં દુ:ખ સારું કે જે પ્રભુની યાદી સતત તાજી કરાવે
મુશ્કેલીના આવા પ્રસંગો આખા ઘરની એકતાને મજબૂત બનાવે છે, એ સાચું છે કદાચ એટલા જ માટે કહ્યું હશે ગોસ્વામી તુલસીદાસજીએ કે :
“સુખ કે માટે શિર પડો, બિસર જાવે રામ, બલિહારી હો દુઃખ કી,
પળ પળ સુમરે રામ.” અર્થાત્ સુખ કરતાં દુઃખ જ સારું કે જે પ્રભુની યાદી સતત તાજી રખાવી શકે છે.
સામા પક્ષે ગુણ જોવાની ટેવ પાડવી તેનો અર્થ એ નહીં કે સામાની ભૂલો ચલાવી લેવી.
શ્રી સગર સંગે : વિશ્વને પંથે